എ എന്‍ രാധാകൃഷ്ണന്‍ ബി ജെ പി സ്ഥാനാര്‍ഥി; തൃക്കാക്കരയില്‍ പോരാട്ട ചിത്രം വ്യക്തം

തൃക്കാക്കരയില്‍ എ എന്‍ രാധാകൃഷ്ണന്‍ ബി ജെ പി സ്ഥാനാര്‍ഥി. നിലവിൽ ബി ജെ പി സംസ്ഥാന വൈസ് പ്രസിഡന്റാണ് ഇദ്ദേഹം. ഇന്ന് രാവിലെ ബിജെപി കേന്ദ്ര തിരഞ്ഞെടുപ്പ് കമ്മിറ്റിയാണ് സ്ഥാനാര്‍ഥി പ്രഖ്യാപനം നടത്തിയത്.

എല്‍ഡിഎഫും യു ഡി എഫും പ്രചാരണം ശക്തമാക്കുന്ന സാഹചര്യത്തിലാണ് ബി ജെ പി സ്ഥാനാര്‍ഥി നിര്‍ണയം നടക്കുന്നത്. ഇതോടെ തൃക്കാക്കരയിലെ തെരഞ്ഞടുപ്പ് ചിത്രം തെളിഞ്ഞു.

യു ഡിഎഫില്‍ നിന്ന് ഉമാ തോമസും, എല്‍ഡിഎഫില്‍ നിന്ന് ജോ ജോസഫുമാണ് മത്സരിക്കുന്നത്. ഇനി ആം ആദ്മി സ്ഥാനാര്‍ത്ഥി ആരെന്ന് കൂടി അറിയാനുണ്ട്. തൃക്കാക്കരയില്‍ ട്വന്റി-20 യുടെ പിന്തുണയോടെയാകും ആം ആദ്മി സ്ഥാനാര്‍ത്ഥി മത്സരിക്കുക.

Content Highlight – AN Radhakrishnan is the BJP candidate in Thrikkakara