സിപിഎം മുന് എംഎല്എ എസ് രാജേന്ദ്രന് ബിജെപിയില്
National Desk
Posted On January 18, 2026
സിപിഎം മുന് എംഎല്എ എസ് രാജേന്ദ്രന് ബിജെപിയില് ചേര്ന്നു. തിരുവനന്തപുരത്ത് ബിജെപി സംസ്ഥാന കമ്മിറ്റി ഓഫീസില് വച്ച നടന്ന ചടങ്ങില് പാര്ട്ടി സംസ്ഥാന അധ്യക്ഷന് രാജീവ് ചന്ദ്രശേഖറില് നിന്ന് എസ് രാജേന്ദ്രന് അംഗത്വം സ്വീകരിച്ചു. കാലങ്ങളായി പ്രവര്ത്തിച്ച് വന്നിരുന്ന പ്രസ്ഥാനത്തില് വിശ്വാസം നഷ്ടപ്പെട്ടതിനെ തുടര്ന്നാണ് രാഷ്ട്രീയ മാറ്റത്തിന് മുതിരുന്നത് എന്ന് എസ് രാജേന്ദ്രന് പ്രതികരിച്ചു.
ദീര്ഘകാല രാഷ്ട്രീയ പ്രവര്ത്തകനായിരുന്ന താന് കഴിഞ്ഞ നാലഞ്ച് വര്ഷമായി പ്രവര്ത്തനത്തില് ഇല്ലായിരുന്നു. എന്നാല് പൊതു രംഗത്ത് താൻ ഉണ്ടായിരുന്നു. ഇക്കാലത്ത് വലിയ തോതില് മാനസിക പ്രയാസങ്ങള് ഉണ്ടായി. ദേവികുളം എംഎല്എ എ രാജയ്ക്ക് എതിരായ പ്രവര്ത്തിച്ചു എന്ന പേരില് തനിക്കെതിരെ പാര്ട്ടി നടപടി എടുത്തു. എന്നാല് സിപിഎം ബ്രാഞ്ച് സമ്മേളനത്തില് ഉള്പ്പെടെ എനിക്കെതിരെ ഒരൂ ആരോപണവും ഇതുവരെ ഉയന്നിട്ടില്ല. ഉപദ്രവിക്കരുത് എന്ന് പലപ്പോഴും ആവശ്യപ്പെട്ടു. പലതും സഹിച്ചെന്നും എസ് രാജേന്ദ്രന് പറഞ്ഞു.
ഹൈറേഞ്ചിലെ പ്രശ്നങ്ങള് തീര്ക്കാന് ഇടപെടുമെന്ന് ബിജെപി അധ്യക്ഷനില് നിന്ന് ഉറപ്പ് ലഭിച്ചിട്ടുണ്ട്. താനാരെയും ഒപ്പം ക്ഷണിച്ചിട്ടില്ല എന്നും രാജേന്ദ്രന് പറഞ്ഞു. വിശ്വസിച്ച പ്രസ്ഥാനത്തെ ചതിച്ചിട്ടില്ല. പ്രസ്ഥാനത്തില് നിന്ന് ആരേയും അടര്ത്തിമാറ്റാനില്ല. പലതും സഹിച്ചു, ഉപദ്രവിക്കരുതെന്ന് പറഞ്ഞു. പൂര്ണമായി ബിജെപിയില് എന്ന് ഇപ്പോള് പറയില്ലെന്നും രാജേന്ദ്രന് പ്രതികരിച്ചു.
