പള്ളിയില്‍ പോവുകയായിരുന്ന സ്ത്രീയുടെ മാലപൊട്ടിച്ച യുവാവ് പിടിയില്‍

പള്ളിയില്‍ പോവുകയായിരുന്ന സ്ത്രീയുടെ മാലപൊട്ടിച്ച് കടന്നുകളഞ്ഞ യുവാവ് പിടിയില്‍. തൃക്കാക്കര ചൂരക്കോട്ടായിമല മാങ്കുടിയില്‍ വീട്ടില്‍ വിനോദ് (മുഹമ്മദ് ജുറൈജ് 36) നെയാണ് അങ്കമാലി പോലീസ് പിടികൂടിയത്. കഴിഞ്ഞ 8ന് കരയാംപറമ്പ് ഭാഗത്താണ് സംഭവം.

ഇയാള്‍ ബൈക്കിലെത്തി മാല പൊട്ടിച്ച് കടന്നു കളയുകയായിരുന്നു. തുടര്‍ന്ന് നടത്തിയ ശാസ്ത്രീയ അന്വേഷണത്തിലാണ് പ്രതി പിടിയിലായത്. മാല വാഴക്കാലയിലെ ഒരു ജ്വല്ലറിയില്‍ നിന്ന് കണ്ടെടുത്തു.

ജില്ലാ പോലീസ് മേധാവി കെ.കാര്‍ത്തിക്കിന്റെ നേതൃത്വത്തില്‍ ഡി.വൈ.എസ്.പി പി.കെ.ശിവന്‍കുട്ടി, ഇന്‍സ്‌പെക്ടര്‍ സോണി മത്തായി, എസ്.ഐമാരായ എല്‍ദോ പോള്‍, എസ്.ഷെഫിന്‍, എസ്.സി.പി.ഒ മാരായ ഷൈജു അഗസ്റ്റിന്‍, ബെന്നി ഐസക്ക് എന്നിവരാണ് അന്വേഷണ സംഘത്തിലുള്ളത്.

Content Highlight: man detained for snatching gold chain