ലഹരി വസ്തുക്കളുമായി കൊച്ചിയിലെത്തിയ യുവാവ് പൊലീസ് പിടിയിൽ

ലഹരി വസ്തുക്കളുമായി കൊച്ചിയിലെത്തിയ യുവാവിനെ പിടികൂടി പൊലീസ്.
ചെന്നൈ സ്വദേശിയായ ലോകേശ്വരന്‍ (23) നെയാണ് പൊലീസ് അറസ്റ്റ് ചെയ്തത്.
ഇയാളുടെ കൈയില്‍ നിന്ന് രണ്ട് എല്‍എസ് ഡി സ്റ്റാമ്പും, കഞ്ചാവ് ബീഡിയും പിടികൂടി

തമിഴ്‌നാട്ടില്‍ നിന്ന് കൊച്ചിയിലെത്തിയ യുവാവിനെ എറണാകുളം റെയില്‍വേ സ്റ്റേഷനില്‍
നിന്നാണ് കൊച്ചി സിറ്റി പൊലീസ് കമ്മീഷണറുടെ ലഹരി വിരുദ്ധ സ്‌ക്വാഡ് പിടികൂടിയത്. അന്വേഷണ സംഘത്തിന് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ സിറ്റി ഡെപ്യൂട്ടി
പൊലീസ് കമ്മീഷണര്‍ വി യു കുര്യാക്കോസിന്റെ മേല്‍നോട്ടത്തില്‍ നാര്‍ക്കോട്ടിക് സെല്‍ അസിസ്റ്റന്റ് കമ്മീഷണര്‍ അബ്ദുള്‍ സലാമിന്റെ നിര്‍ദേശപ്രകാരം കൊച്ചി സിറ്റി ഡാന്‍സാഫ് സബ് ഇന്‍സ്‌പെക്ടര്‍ രാമുവിന്റെ നേതൃത്വത്തിലുള്ള ഡാന്‍സാഫ് ടീമും, എറണാകുളം സെന്‍ട്രല്‍ പൊലീസും നടത്തിയ സംയുക്ത പരിശോധനയിലാണ് ലഹരിമരുന്നുമായി യുവാവിനെ പിടികൂടിയത്.

Content Highlights – Police arrested a youth who reached cochi with intoxicating substances