അതിജീവിത തെരഞ്ഞെടുപ്പില്‍ മത്സരിക്കുന്നുണ്ടോ? നടിക്കെതിരെ സിദ്ദിഖ്

ആക്രമിക്കപ്പെട്ട നടിക്കെതിരെ അധിക്ഷേപവുമായി സിദ്ദിഖ്. അതിജീവിത തെരഞ്ഞെടുപ്പില്‍ മത്സരിക്കുന്നുണ്ടോയെന്ന് സിദ്ദിഖ് ചോദിച്ചു. തൃക്കാക്കര ഉപതെരഞ്ഞെടുപ്പില്‍ നടിയെ ആക്രമിച്ച കേസ് ചര്‍ച്ചയായ സാഹചര്യത്തിലാണ് സിദ്ദിഖിന്റെ വിമര്‍ശനം. താനാണെങ്കില്‍ ജഡ്ജിയെ വിശ്വാസമില്ലെങ്കില്‍ മാറ്റാന്‍ ആവശ്യപ്പെടില്ല. വിധി എതിരാകുകയാണെങ്കില്‍ മേല്‍ക്കോടതിയെ സമീപിക്കുമായിരുന്നെന്നും സിദ്ദിഖ് പറഞ്ഞു. വോട്ടു ചെയ്യാനെത്തിയപ്പോള്‍ മാധ്യമങ്ങളുമായി സംസാരിക്കുകയായിരുന്നു സിദ്ദിഖ്.

കേസില്‍ വിചാരണക്കോടതി നടപടികളെ ചോദ്യം ചെയ്ത് പ്രോസിക്യൂഷന്‍ ഹൈക്കോടതിയെ സമീപിച്ചു. നടിയെ ആക്രമിക്കുന്ന ദൃശ്യങ്ങള്‍ അടങ്ങിയ മെമ്മറി കാര്‍ഡ് പരിശോധിക്കണമെന്ന ആവശ്യം വിചാരണക്കോടതി തള്ളിയിരുന്നു. ഇത് നിയമവിരുദ്ധവും അന്വേഷണത്തിലുള്ള ഇടപെടലുമാണെന്ന് പ്രോസിക്യൂഷന്‍ പറഞ്ഞു. വിചാരണക്കോടതിയുടെ നടപടി അത്ഭുതപ്പെടുത്തുന്നതും വിചിത്രവുമാണെന്ന വാദവും പ്രോസിക്യൂഷന്‍ ഉന്നയിച്ചു.

Content Highlight: Actress assault case, Siddique, Dileep, high court