വിവാഹ വാഗ്ദാനം നല്‍കി ദളിത് യുവതിയെ പീഡിപ്പിച്ച ശേഷം മുങ്ങി; യുവാവ് പിടിയില്‍

വിവാഹ വാഗ്ദാനം നല്‍കി ദളിത് യുവതിയെ പീഡിപ്പിച്ച ശേഷം ഒളിവില്‍ പോയ യുവാവ് പിടിയില്‍. മലപ്പുറം പൊന്‍മല ചിറക്കല്‍ പടിഞ്ഞാറേതില്‍ വീട്ടില്‍ ഗഫാര്‍ അഹമ്മദ് (30)നെയാണ് പോലീസ് അറസ്റ്റ് ചെയ്തത്. ആലുവ ഡി.വൈ.എസ്.പി പി.കെ ശിവന്‍ കുട്ടിയുടെ നേതൃത്വത്തിലുള്ള പ്രത്യേക അന്വേഷണ സംഘമാണ് ഇയാളെ പിടികൂടിയത്.

കീഴ്മാട് സ്വദേശിനിയായ ദളിത് യുവതിയുടെ പരാതിയില്‍ ആലുവ സ്റ്റേഷനില്‍ രജിസ്റ്റര്‍ ചെയ്ത കേസിലാണ് അറസ്റ്റ്. കേസ് രജിസ്റ്റര്‍ ചെയ്തതിനെ തുടര്‍ന്ന് പ്രതി ഒളിവിലായിരുന്നു. സി.പി.ഒമാരായ മാഹിന്‍ ഷാ അബൂബക്കര്‍, മുഹമ്മദ് അമീര്‍ തുടങ്ങിയവരും അന്വേഷണ സംഘത്തിലുണ്ടായിരുന്നു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.

Content Highlight: Rape, Arrest, Dalit atrocity