ശബരിമലയിൽ ഭക്തർക്ക് ഇടയിലേക്ക് ട്രാക്ടർ പാഞ്ഞു കയറി; കുട്ടികൾ ഉൾപ്പെടെ 9 പേർക്ക് പരുക്ക്

ശബരിമലയിൽ ഭക്തർക്കു ഇടയിലേക്ക് ട്രാക്ടർ പാഞ്ഞു കയറി അപകടം. സ്വാമി അയ്യപ്പൻ റോഡിലാണ് അപകടമുണ്ടായത്. സംഭവത്തിൽ 2 കുട്ടികൾ ഉൾപ്പെടെ 9 പേർക്ക് പരുക്കേറ്റു.

ഇതിൽ രണ്ട് പേരുടെ നില ​ഗുരുതരമാണ്. പരുക്കേറ്റവരെ ആശുപത്രിയിൽ പ്രവേശിപ്പിച്ചു. ഇതിൽ മൂന്ന് പേർ മലയാളികളാണ്. നാല് ആന്ധ്ര സ്വദേശികളും രണ്ട് തമിഴ്നാട് സ്വദേശികളുമാണ് പരുക്കേറ്റ മറ്റുള്ളവർ. മാലിന്യവുമായി പോയ ട്രാക്ടറാണ് അപകടത്തിൽപ്പെട്ടത്.