ഒഴുക്കില്‍പ്പെട്ട കൂട്ടുകാരിയെ രക്ഷിക്കാൻ ശ്രമം; റഷ്യയില്‍ 4 ഇന്ത്യൻ വിദ്യാര്‍ഥികള്‍ക്ക് ദാരുണാന്ത്യം

 റഷ്യയിലെ സെന്റ് പീറ്റേഴ്സ്ബെർഗിനടുത്തുള്ള പുഴയില്‍ മുങ്ങി നാല് ഇന്ത്യൻ മെഡിക്കല്‍ വിദ്യാർഥികള്‍ക്ക് ദാരുണാന്ത്യം.

പുഴയില്‍ ഒഴുക്കില്‍പ്പെട്ട കൂട്ടുകാരിയെ രക്ഷിക്കാൻ ശ്രമിക്കുന്നതിനിടയിലാണ് നാലുപേർകൂടി അപകടത്തില്‍ പെട്ടത്. വെലികി നൊവ്ഗൊറൊഡ് സിറ്റിയിലെ നൊവ്ഗൊറൊഡ് സ്റ്റേറ്റ് യൂണിവേഴ്സിറ്റിയിലെ വിദ്യാർത്ഥികളാണ് എല്ലാവരും.

ഒഴുക്കില്‍പെട്ട കൂട്ടുകാരിയെ രക്ഷിക്കാൻ ചാടിയ നാലുപേരില്‍ മൂന്നുപേർകൂടി പുഴയിലെ ഒഴുക്കില്‍ പെട്ടുപോവുകയായിരുന്നു. ഒരാളെ നാട്ടുകാർ രക്ഷപ്പെടുത്തി. ചികിത്സയിലുള്ള ഇയാളുടെ നില മെച്ചപ്പെട്ടുവരുന്നതായി ആശുപത്രി അധികൃതർ അറിയിച്ചതായി അന്തർദേശീയ മാധ്യമങ്ങള്‍ റിപ്പോർട്ട് ചെയ്യുന്നു.