പേടിഎമ്മിന് 550 കോടിയുടെ നഷ്ടം; 6000ത്തോളം ജീവനക്കാര്‍ക്ക് ജോലി നഷ്ടമാകും

പേടിഎം കഴിഞ്ഞ കുറച്ച്‌ നാളുകളായി കനത്ത നഷ്ടത്തിലാണ്. പേടിഎം മാതൃ കമ്ബനിയായ വണ്‍97 കമ്മ്യൂണിക്കേഷൻസ് ഈ സാമ്ബത്തിക വർഷം ജീവനക്കാരുടെ എണ്ണം ഗണ്യമായി കുറയ്‌ക്കാൻ നോക്കുന്നതായി ഫിനാൻഷ്യല്‍ എക്സ്പ്രസിന്റെ റിപ്പോർട്ട്.

കമ്ബനി തങ്ങളുടെ തൊഴിലാളികളുടെ 15-20 ശതമാനം വെട്ടിക്കുറച്ചേക്കുമെന്ന് റിപ്പോർട്ട് പറയുന്നു. വണ്‍97 കമ്മ്യൂണിക്കേഷൻസ് അതിന്റെ വർദ്ധിച്ചുവരുന്ന നഷ്ടം നിയന്ത്രിക്കുന്നതിന്, 5,000-6,300 ജീവനക്കാരെ കുറച്ചുകൊണ്ട് 400-500 കോടി രൂപ ലാഭിക്കാനാണ് ലക്ഷ്യമിടുന്നത്.

പേടിഎം പേയ്‌മെൻ്റ് ബാങ്കിന് മേല്‍ നിരോധനം ഏർപ്പെടുത്തിയതിന് ശേഷം കമ്ബനിയുടെ വരുമാനത്തിലും വലിയ ഇടിവാണ് വന്നത്. വണ്‍ 97 കമ്മ്യൂണിക്കേഷൻസ് 2024 സാമ്ബത്തിക വർഷത്തിന്റെ നാലാം പാദത്തില്‍ അറ്റനഷ്ടം റിപ്പോർട്ട് ചെയ്തു.