മകളെ വെട്ടിക്കൊന്ന് ട്രെയില്‍വേ ട്രാക്കില്‍ തളളി; അച്ഛനെ പൊലീസ് തിരയുന്നു

അച്ഛൻ മകളെ വെട്ടികൊലപ്പെടുത്തിയതിനുശേഷം ശരീരം ബൈക്കില്‍ വച്ച്‌ കൊണ്ടുപോയി ട്രെയില്‍വേ ട്രാക്കില്‍ തളളി. പഞ്ചാബിലെ അമൃതസറിലാണ് സംഭവം നടന്നത്. വ്യാഴാഴ്ച നടന്ന സംഭവത്തിൻറെ സിസി ടിവി ഫൂട്ടേജ് പൊലീസ് കണ്ടെടുത്തു. സംശയത്തിന്റെ പുറത്താണ് കൊലപാതകം എന്നാണ് പൊലീസ് നിഗമനം.

പുറത്ത് പോയി തിരിച്ചുവന്ന മകളെ മാരകായുധം ഉപയോഗിച്ച് കൊലപ്പെടുത്തി എന്നാണ് പൊലീസ് പറഞ്ഞത്. കൊലപാതകത്തിന് വ്യക്തമായ കാരണം ഇതുവരെ കണ്ടെത്തിയിട്ടില്ല. കുടുംബാംഗങ്ങളെയും പ്രതി കൊലപ്പെടുത്തുമെന്ന് ഭീഷണിപ്പെടുത്തിയതായും പേടിച്ച്‌ അവര്‍ പുറത്തോട്ട് പോയിരുന്നില്ല എന്നും പൊലീസ് മാദ്ധ്യമങ്ങളോട് പറഞ്ഞു.പുറത്തു പോയ തന്റെ ചെറുമകള്‍ തിരികെ എത്തിയപ്പോഴാണ് കൊല നടന്നതെന്ന് കൊല്ലപ്പെട്ട പെണ്‍കുട്ടിയുടെ മുത്തശ്ശി പറഞ്ഞു. പ്രതിക്കായുളള തിരച്ചില്‍ നടന്ന് കൊണ്ടിരിക്കുകയാണ്.