സെന്സസ് രണ്ടു ഘട്ടങ്ങളില്, ആദ്യഘട്ടത്തിന് ഏപ്രില് 1 ന് തുടക്കം; കേരളത്തില് ജൂണ് മുതല്
National Desk
Posted On March 30, 2026
2027 ലെ ജനസംഖ്യാ കണക്കെടുപ്പിനായുള്ള പ്രവര്ത്തനങ്ങള് അവസാനഘട്ടത്തിലാണെന്ന് രജിസ്ട്രാര് ജനറലും സെന്സസ് കമ്മീഷണറുമായ മൃത്യുഞ്ജയ് കുമാര് നാരായണ് അറിയിച്ചു. രാജ്യത്ത് സെന്സസ് രണ്ടു ഘട്ടങ്ങളായാണ് നടപ്പാക്കുന്നത്. സെന്സസിന്റെ ആദ്യ ഘട്ടത്തിന്റെ ഫീല്ഡ് പ്രവര്ത്തനങ്ങള് ഏപ്രില് 1 മുതല് ആരംഭിക്കുമെന്ന് അദ്ദേഹം വ്യക്തമാക്കി.
രാജ്യത്തെ ആദ്യത്തെ സമ്പൂര്ണ ഡിജിറ്റല് സെന്സസ് ആയിരിക്കും ഇത്തവണ നടത്തുന്നത്. കേരളത്തില് ആദ്യഘട്ട സെന്സസ് ജൂണില് ആരംഭിക്കും. സെല്ഫ് എന്യൂമേറേഷന് ജൂണ് 16 മുതല് ജൂണ് 30വരെ സമയമുണ്ടാകും. ജൂലൈ ഒന്ന് മുതല് ജൂലൈ 30വരെ സെന്സസ് ഉദ്യോഗസ്ഥര് നേരിട്ട് വീടുകളിലെത്തി വിവരങ്ങള് ശേഖരിക്കും.
സെന്സസ് ആദ്യഘട്ടത്തിന്റെ ചോദ്യാവലി സെല്ഫ് എന്യൂമറേഷന് പോര്ട്ടലില് നല്കിയിട്ടുണ്ട്. ഒരു ലിവ്-ഇന് പങ്കാളികള് അവരുടെ ബന്ധം സ്ഥിരതയുള്ള ഒന്നാണെങ്കില്, സെന്സസില് അവരെ വിവാഹിത ദമ്പതികളായി കണക്കാക്കും.
