ഇതരസംസ്ഥാന തൊഴിലാളിയുടെ 4 വയസ്സുള്ള മകളെ ലൈംഗികമായി പീഡിപ്പിച്ച പ്രതി അറസ്റ്റില്‍

ഇതരസംസ്ഥാന തൊഴിലാളിയുടെ 4 വയസായ മകളെ ലൈംഗികമായി പീഡിപ്പിച്ചെന്ന പരാതിയില്‍ കസ്റ്റഡിയിലെടുത്ത പ്രതിയുടെ അറസ്റ്റ് പൊലീസ് രേഖപ്പെടുത്തി. മധ്യപ്രദേശിലെ ഗ്വാളിയോര്‍ സ്വദേശികളായ ദമ്പതികളുടെ മകളെയാണ് മധ്യപ്രദേശ് സ്വദേശിയായ പ്രതി പീഡിപ്പിച്ചത്. വ്യാഴാഴ്ച ഉച്ചയ്ക്കാണ് സംഭവം നടന്നത്.

ഉച്ചഭക്ഷണത്തിനു ശേഷം ഇവരുടെ ക്വാര്‍ട്ടേഴ്സിലെത്തിയ പ്രതി കുഞ്ഞിനെ കളിപ്പിക്കാൻ കൊണ്ടു പോകുന്നു എന്നു പറഞ്ഞു വിളിച്ചു കൊണ്ടുപോയതാണ്. പിന്നീട് കുട്ടി കരഞ്ഞുകൊണ്ട് വരുന്നത് കണ്ട് മാതാവ് ചോദിച്ചപ്പോഴാണ് പീഡന വിവരം അറിയുന്നത്. പിന്നാലെ മാതാവ് ഇക്കാര്യം പൊലീസില്‍ അറിയിക്കുകയായിരുന്നു. തേഞ്ഞിപ്പലം പൊലീസ് എത്തി പ്രതിയെ കസ്റ്റഡിയിലെടുത്ത് തിരൂരങ്ങാടി സ്റ്റേഷന് കൈമാറി. കുട്ടിയുടെ മെഡിക്കല്‍ പരിശോധന നടത്തുകയും പൊലീസ് മൊഴി രേഖപ്പെടുത്തുകയും ചെയ്തു