അയോധ്യയിലെ രാമക്ഷേത്രം പൂര്‍ണതയിലേക്ക്, നാളെ പ്രധാനമന്ത്രി കൊടി ഉയര്‍ത്തും

അയോധ്യയിലെ രാമക്ഷേത്രത്തിന്റെ നിര്‍മ്മാണം നാളെ പൂര്‍ണതയിലേക്ക്. ആചാരപരമായ കൊടി ഉയര്‍ത്തല്‍ ചടങ്ങ് പ്രധാനമന്ത്രി നരേന്ദ്രമോദി നിര്‍വഹിക്കും. രാമക്ഷേത്രവും പരിസരവും ദീപങ്ങളാല്‍ അലങ്കരിച്ചുകഴിഞ്ഞു.

രാമക്ഷേത്ര നിര്‍മ്മാണം പൂര്‍ത്തീകരിച്ചതിന്റെ പ്രതീകമായ പതാക ഉയര്‍ത്തല്‍ ചടങ്ങില്‍ പങ്കെടുക്കാനാണ് പ്രധാനമന്ത്രി നാളെ അയോധ്യ സന്ദര്‍ശിക്കുന്നത്. വിവാഹ പഞ്ചമി ദിനത്തോടനുബന്ധിച്ച് നടക്കുന്ന ഈ സന്ദര്‍ശനത്തിന്റെ ഭാഗമായി സാകേത് കോളേജില്‍ നിന്ന് രാമജന്മഭൂമിയിലേക്ക് റോഡ് ഷോയും സംഘടിപ്പിക്കും. സാമൂഹിക സമത്വത്തിന്റെ സന്ദേശം പ്രചരിപ്പിക്കുന്നതിനായി ദലിത്, ട്രാന്‍സ്ജെന്‍ഡര്‍, അഘോരി സമുദായങ്ങളില്‍ നിന്നുള്ള പ്രതിനിധികള്‍ എന്നിവര്‍ പങ്കെടുക്കും.