കോഴിക്കോട്ടെ ആവശ്യക്കാര്‍ക്ക് കഞ്ചാവെത്തിച്ച്‌ നല്‍കുന്ന സംഘത്തിലെ പ്രധാനി പൊലീസ് പിടിയില്‍

കോഴിക്കോട്ടെ ആവശ്യക്കാർക്ക് കഞ്ചാവെത്തിച്ച്‌ നല്‍കുന്ന സംഘത്തിലെ പ്രധാനി പൊലീസ് പിടിയില്‍. രാമനാട്ടുകര മേല്‍പാലത്തിന് താഴെവെച്ച്‌ വില്‍പനക്കായി കൊണ്ട് വന്ന കഞ്ചാവ് ആവശ്യക്കാർക്ക് കൈമാറാൻ ഒരുങ്ങുന്നതിനിടെയാണ് 30 കാരനായ കാസർഗോഡ് ബദിയടുക്ക കോബ്രാജ വീട്ടില്‍ ജി.സി.

ശ്രീജിത്തിനെ പൊലീസ് പിടികൂടുന്നത്. വിദ്യാർഥികളെയും യുവാക്കളെയും ലക്ഷ്യമിട്ട് ഫറോക്ക്, രാമനാട്ടുകര എന്നിവിടങ്ങള്‍ കേന്ദ്രീകരിച്ചുകൊണ്ട് ഒരു ലഹരി മാഫിയ പ്രവർത്തിക്കുന്നുണ്ടെന്ന വിവരത്തിൻ്റെ അടിസ്ഥാനത്തില്‍ പൊലീസ് നടത്തിയ പരിശോധനയിലാണ് രണ്ട് കിലോ കഞ്ചാവുമായി ഇയാളെ പിടികൂടുന്നത്.

കോഴിക്കോട് സിറ്റി നാർക്കോട്ടിക്ക് സെല്‍ അസി. കമ്മീഷണർ കെ.എ. ബോസിൻ്റെ നേതൃത്വത്തിലുള്ള ഡാൻസാഫ് ടീമും ഫറോക്ക് എസ്‌ഐ ആർ. എസ്. വിനയൻ്റെ നേതൃത്വത്തിലുള്ള ഫറോക്ക് പൊലീസും ചേർന്നാണ് പ്രതിയെ പിടികൂടുന്നത്. ശ്രീജിത്ത് പിടിയിലായതോടെ ഇയാളുടെ സംഘത്തില്‍പ്പെട്ട ലഹരിയുമായി ബന്ധമുള്ള ആളുകളുടെ വിവരം പൊലീസിന് ലഭിച്ചിട്ടുണ്ട്.