രാഹുല്‍ ഗാന്ധിയുടെ ഡിഎന്‍എ പരിശോധിക്കണം; അധിക്ഷേപ പരാമര്‍ശവുമായി പി.വി.അന്‍വര്‍

രാഹുല്‍ ഗാന്ധിക്കെതിരേ അധിക്ഷേപ പരാമര്‍ശവുമായി സിപിഎം എംഎല്‍എ പി.വി.അന്‍വര്‍. ഗാന്ധി എന്ന പേര് പോലും കൂട്ടിച്ചേര്‍ത്ത് പറയാന്‍ അര്‍ഹതയില്ലാത്ത ഒരു നാലാംകിട പൗരനായി രാഹുല്‍ മാറിയെന്നായിരുന്നു പരാമര്‍ശം.

എടത്തനാട്ടുകരയില്‍ എല്‍ഡിഎഫ് സംഘടിപ്പിച്ച തെരഞ്ഞെടുപ്പ് റാലിയില്‍ സംസാരിക്കുകയായിരുന്നു അന്‍വര്‍. രാഹുലിന്‍റെ ഡിഎന്‍എ പരിശോധിക്കണമെന്ന അഭിപ്രായക്കാരനാണ് താന്‍. നെഹ്‌റുവിന്‍റെ കൊച്ചുമകന്‍ ആകാനുള്ള യാതോരു യോഗ്യതയും രാഹുലിനില്ല. പേരിനൊപ്പമുള്ള ഗാന്ധി ഒഴിവാക്കി രാഹുല്‍ എന്ന് മാത്രമേ താന്‍ വിളിക്കൂ. രാഹുല്‍ മോദിയുടെ ഏജന്‍റാണോ എന്ന് ആലോചിക്കേണ്ടതുണ്ട്.

കേരളത്തില്‍ വരുമ്ബോള്‍ ബിജെപിക്കെതിരെയോ മോദിക്കെതിരെയോ ഒരു വാക്ക് പോലും സംസാരിക്കാന്‍ രാഹുല്‍ തയാറാകുന്നില്ല. പകരം പിണറായിയെയും സിപിഎമ്മിനെയുമാണ് ഉന്നം വയ്ക്കുന്നതെന്നും അന്‍വര്‍ പറഞ്ഞു.