പ്രീ സെയിലില്‍ റെക്കോര്‍ഡ് കളക്ഷൻ നേടി ദളപതി വിജയുടെ ദി ഗോട്ട്

ദളപതി വിജയ് നായകനായി എത്തുന്ന ആക്ഷൻ ത്രില്ലർ ചിത്രം ഗ്രേറ്റസ്റ്റ് ഓഫ് ആള്‍ ടൈം എകെഎ ദി ഗോട്ടിന് അഡ്വാൻസ് ബുക്കിങ്ങിലൂടെ ലഭിച്ചത് റെക്കോർഡ് തുക. വെങ്കട്ട് പ്രഭു സംവിധാനം ചെയ്യുന്ന ചിത്രം സെപ്തംബർ 5 നാണ് റിലീസിനെത്തുന്നത്.

അഡ്വാൻസ് ബുക്കിങ്ങാരംഭിച്ച്‌ 12 മണിക്കൂറിനുള്ളില്‍ 25 കോടി രൂപയാണ് ചിത്രം നേടിയത്. തമിഴ് ഫിലിം ഇൻഡസ്ട്രിയില്‍ അഡ്വാൻസ് ബുക്കിങ്ങാരംഭിച്ച്‌ 24 മണിക്കൂറിനുള്ളില്‍ ഒരു സിനിമ നേടുന്ന ഏറ്റവും ഉയർന്ന തുകയാണിത്. 2024 ല്‍ ആരാധകർ ഏറ്റവും കൂടുതല്‍ പ്രതീക്ഷയോടെ കാത്തിരിക്കുന്ന ചിത്രത്തിന് റെക്കോർഡ് ഓപ്പണിങ്ങ് ആയിരിക്കും ലഭിക്കുക. പ്രീ സെയില്‍ അവസാനിക്കുമ്ബോള്‍ തന്നെ വേള്‍ഡ് വൈഡ് 75 കോടി രൂപ ചിത്രം നേടും എന്നാണ് പ്രതീക്ഷിക്കുന്നത്.

തമിഴ് ഫിലിം ഇൻഡസ്ട്രിയിലെ ഏറ്റവും വലിയ അഡ്വാൻസ് ബുക്കിങ്ങ് ലഭിച്ച ചിത്രത്തിന്, ആദ്യ ദിനം റെക്കോർഡ് നമ്ബർ ഷോകളാണുള്ളത്. അത് കൊണ്ട് തന്നെ തമിഴ് സിനിമാ ചരിത്രത്തിലെ തന്നെ ഏറ്റവും മികച്ച ഓപ്പണിങ്ങ് കളക്ഷനായിരിക്കും ഗോട്ടിന് ലഭിക്കുക എന്നാണ് പ്രതീക്ഷിക്കുന്നത്. വെങ്കട് പ്രഭുവിന്റെ കഥയില്‍ ദളപതി വിജയ് ഡബിള്‍ റോളില്‍ എത്തുന്ന ചിത്രത്തില്‍ വമ്ബൻ താരനിരയാണ് അണിനിരക്കുന്നത്.