മലയാളികളെ കുഴപ്പിച്ച്‌ സ്വര്‍ണക്കുതിപ്പ് തുടരുന്നു

സംസ്ഥാനത്ത് ഇന്ന് സ്വർണവിലയില്‍ മാറ്റമില്ല. ഒരു പവൻ സ്വർണത്തിന്റെ ഇന്നത്തെ വില 54,360 രൂപയാണ്.

കഴിഞ്ഞ ദിവസവും ഈ വില തന്നെയായിരുന്നു. ഒരു ഗ്രാം സ്വർണത്തിന്റെ വില 7,134 രൂപയുമായി. ഏപ്രില്‍ മാസത്തിന്റെ ആദ്യത്തോടെയാണ് ഒരു പവൻ സ്വർണത്തിന്റെ വില അരലക്ഷത്തിന് മുകളില്‍ കടന്നത്. ഏപ്രില്‍ രണ്ടിനാണ് സ്വർണവിലയില്‍ താരതമ്യേന കുറവ് സംഭവിച്ചത്. അന്നത്തെ ഒരു പവൻ സ്വർണത്തിന്റെ വില 50,680 രൂപയായിരുന്നു.

ഒരു ഗ്രാം വെളളിയുടെ വില 89 രൂപയായി കുറഞ്ഞു. കഴിഞ്ഞ ദിവസം 90.50 രൂപയായിരുന്നു. ഒരു കിലോഗ്രാം വെളളിയുടെ വില 89,000 രൂപയായി.സാമ്ബത്തിക അനിശ്ചിതത്വം കണക്കിലെടുത്ത് വൻകിട നിക്ഷേപകരും വിവിധ കേന്ദ്ര ബാങ്കുകളും സുരക്ഷിത മേഖലയായ സ്വർണത്തിലേക്ക് പണം മാറ്റുകയാണ്.