വീണ്ടും കുതിച്ച് സ്വർണ്ണം; ഇന്നത്തെ വില അറിയാം

സംസ്ഥാനത്ത് ഇന്ന് സ്വർണവില കൂടി. ഒരു പവൻ സ്വർണത്തിന് 640 രൂപയുടെ വർദ്ധനവാണ് ഉണ്ടായത്. ഒരു പവൻ സ്വർണത്തിന്റെ ഇന്നത്തെ വില 54,720 രൂപയാണ്.

ഈ മാസത്തെ ഏറ്റവും ഉയർന്ന മൂന്നാമത്തെ നിരക്കാണിത്. ഒരു ഗ്രാം സ്വ‌ർണത്തിന്റെ വില 6,840 രൂപയുമായി. കഴിഞ്ഞ ദിവസം സ്വർണവിലയില്‍ നേരിയ കുറവ് സംഭവിച്ച്‌ ഒരു പവൻ സ്വർണത്തിന് 54,080 രൂപയായിരുന്നു. മേയ് ഒന്നിനാണ് ഏറ്റവും കുറവ് സ്വർണനിരക്ക് രേഖപ്പെടുത്തിയത്. അന്നത്തെ ഒരു പവൻ സ്വർണത്തിന്റെ വില 52,440 രൂപയായിരുന്നു.

ഇതിന് മുൻപ് സംസ്ഥാനത്തെ സ്വർണവില റെക്കോർഡ് ഉയരത്തില്‍ എത്തിയത് ഏപ്രില്‍ 19നായിരുന്നു. അന്ന് ഒരു പവൻ സ്വർണത്തിന് 54,520 രൂപയും, ഗ്രാമിന് 6,815 രൂപയുമായിരുന്നു വില.