പുനീത് രാജ്കുമാറിന്റെ സ്മരണയ്ക്കായി ഫ്രീ ആംബുലന്‍സ് സര്‍വ്വീസ് നല്‍കി നടന്‍ പ്രകാശ് രാജ്

അന്തരിച്ച നടന്‍ പുനീത് രാജ്കുമാറിന്റെ സ്മരണയ്ക്കായി സൗജന്യ സേവനത്തിനായി ആംബുലന്‍സ് നല്‍കി നടന്‍ പ്രകാശ് രാജ്. ‘അപ്പു എക്‌സ്പ്രസ്’ എന്ന പേരാണ് ആംബുലന്‍സിന് നല്‍കിയിരിക്കുന്നത്. പ്രകാശ് രാജ് തന്നെയാണ് ആംബുലന്‍സിന്റെ ചിത്രങ്ങള്‍ തന്റെ ട്വിറ്റര്‍ പേജിലൂടെ പുറത്തുവിട്ടത്.

സാമ്പത്തികമായി പിന്നോക്കം നില്‍ക്കുന്നവര്‍ക്ക് പ്രകാശ് രാജ് ഫൗണ്ടേഷന്‍ ഫ്രീ ആംബുലന്‍സ് നല്‍കുമെന്ന് നേരത്തെ അറിയിച്ചിരുന്നു. പിന്നാലെയാണ് ഇദ്ദേഹം ആംബുലന്‍സ് നല്‍കിയത്.

2021 ഒക്ടോബര്‍ 29 ന് ഹൃദയാഘാതത്തെ തുടര്‍ന്നാണ് പുനീത് രാജ്കുമാര്‍ അന്തരിച്ചത്. 46 വയസ്സായിരുന്നു. ജിമ്മില്‍ വച്ച് ആരോഗ്യ അസ്വസ്ഥതകള്‍ ഉണ്ടായതിനെ തുടര്‍ന്ന് ആശുപത്രിയില്‍ പ്രവേശിപ്പിക്കുകയായിരുന്നു.

Content Highlights – Actor Prakash Raj provided free ambulance service in memory of Puneeth Rajkumar