ഡൽഹിയിൽ വായു മലിനീകരണം രൂക്ഷം; കേന്ദ്രസർക്കാനെതിരെ രാഹുൽഗാന്ധി

ഡൽഹിയിൽ വായു മലിനീകരണം രൂക്ഷമായതിൽ കേന്ദ്രസർക്കാനെതിരെ പ്രതികരിക്കുകയാണ് രാഹുൽഗാന്ധി. വിഷയത്തിൽ നരേന്ദ്രമോദിക്ക്‌ നിശബ്ദത. കേന്ദ്ര സർക്കാർ എന്ത് കൊണ്ട് ഉത്തരവാദിത്വം നിർവഹിക്കുന്നില്ല. വായു മലിനീകരണത്തെക്കുറിച്ച് പാർലമെന്റിൽ വിശദമായ ചർച്ച നടത്തണം. ഇത് തടയുവാൻ കർമ്മ പദ്ധതി കൊണ്ടുവരണം. നമ്മുടെ കുട്ടികൾ ശുദ്ധവായു അർഹിക്കുന്നു. ഒഴിവു കഴിവുകളും ശ്രദ്ധ തിരിക്കലും അല്ല വേണ്ടത് എന്നും രാഹുൽ പറയുന്നു.

“മോദി ജി, ഇന്ത്യയിലെ കുട്ടികൾ നമ്മുടെ മുന്നിൽ ശ്വാസം മുട്ടുകയാണ്. നിങ്ങൾക്ക് എങ്ങനെ നിശബ്ദത പാലിക്കാൻ കഴിയും? നിങ്ങളുടെ സർക്കാർ എന്തുകൊണ്ടാണ് ഉത്തരവാദിത്തം കാണിക്കാത്തത്?” അദ്ദേഹം എക്‌സിലെ ഒരു പോസ്റ്റിൽ ചോദിച്ചു.

ദീർഘനേരം വിഷവായു ശ്വസിക്കുന്നത് ശ്വാസനാള വീക്കം, ശ്വാസകോശത്തിന്റെ പ്രവർത്തനം കുറയൽ, നിലവിലുള്ള ശ്വസന, ഹൃദയ അവസ്ഥകൾ വഷളാകൽ എന്നിവയ്ക്ക് കാരണമാകുമെന്ന് ഡോക്ടർമാർ മുന്നറിയിപ്പ് നൽകിയിട്ടുണ്ട്. പ്രത്യേകിച്ച് കുട്ടികൾ, ആസ്ത്മ രോഗികൾ, ദുർബല വിഭാഗങ്ങൾ എന്നിവരെ പതിവായി പരിശോധിക്കേണ്ടതിന്റെ ആവശ്യകത ഉണ്ടെന്നും രാഹുൽ പറഞ്ഞു.

നമ്മുടെ കുട്ടികൾ അർഹിക്കുന്നത് ശുദ്ധവായുവാണ്, തലസ്ഥാനം അപകടകരമായ മലിനീകരണ തോതിനെതിരെ പോരാടുന്നത് തുടരുന്നതിനാൽ അടിയന്തര സർക്കാർ ഇടപെടൽ വേണമെന്ന് രാഹുൽ ഗാന്ധി പറഞ്ഞു.