ഭീകരാക്രമണത്തിന് സാദ്ധ്യതാ മുന്നറിയിപ്പ്; മുംബയ് നഗരത്തില്‍ സുരക്ഷ വര്‍ദ്ധിപ്പിച്ചു

ഭീകരാക്രമണത്തിന് സാദ്ധ്യതയുണ്ടെന്ന കേന്ദ്ര ഏജൻസികളുടെ മുന്നറിയിപ്പിന്റെ അടിസ്ഥാനത്തില്‍ മുംബയ് നഗരത്തില്‍ സുരക്ഷ വർദ്ധിപ്പിച്ചു.

ജനത്തിരക്കുള്ള സ്ഥലങ്ങളിലും ആരാധനാലയങ്ങളിലും സുരക്ഷ വർദ്ധിപ്പിച്ചതായി ദേശീയ മാദ്ധ്യമങ്ങള്‍ റിപ്പോർട്ട് ചെയ്‌തു. സുരക്ഷ ശക്തമാക്കുന്നതിന്റെ ഭാഗമായി മോക്‌ഡ്രില്ലുകള്‍ സംഘടിപ്പിക്കാനും നിർദേശമുണ്ട്.

സ്വന്തം അധികാര മേഖലയിലെ സുരക്ഷാ കാര്യങ്ങള്‍ നിരന്തരം അവലോകനം ചെയ്യാൻ ഉദ്യോഗസ്ഥർക്ക് സിറ്റി പൊലീസ് കമ്മീഷണർ നിർദേശം നല്‍കി. സംശയകരമായ കാര്യങ്ങളുണ്ടെങ്കില്‍ അറിയിക്കാൻ ജനങ്ങളോടും അഭ്യർത്ഥിച്ചു. ആഘോഷ കാലമായതിനാലാണ് സുരക്ഷ വർദ്ധിപ്പിച്ചതെന്ന് അധികൃതർ അറിയിച്ചു.