രാജസ്ഥാൻ എംഎൽഎയുടെ എസ്‌ യു വി മോഷണം പോയതായി പരാതി

രാജസ്ഥാൻ എംഎൽഎ യുടെ വാഹനം മോഷ്ടിച്ചതായി പരാതി. മോഷണം പോയത് രാഷ്ട്രീയ ലോക്താന്ത്രിക് പാർട്ടി (ആർഎൽപി) എംഎൽഎ നാരായൺ ബെനിവാളിന്റെ എസ്‌യുവിയാണ്. വാഹനം നിർത്തിയിട്ടിരുന്നത് ജയ്‌പൂരിലെ വിവേക് വിഹാർ ഏരിയയിലുള്ള എംഎൽഎയുടെ വസതിക്ക് മുന്നിലാണ്. ഇന്ന് രാവിലെയാണ് കാണാതായത്.
ഇതിനു പിന്നാലെ ജയ്പൂർ പോലീസ് നഗരത്തിൽ ഉപരോധം ഏർപ്പെടുത്തി. മോഷ്ടാക്കൾക്കായുള്ള തെരച്ചിൽ പുരോഗമിക്കുകയാണ്. വാഹനം നിർത്തിയിട്ടിരുന്ന പരിസരത്തും കെട്ടിടങ്ങളിലും സ്ഥാപിച്ചിട്ടുള്ള സിസിടിവി ദൃശ്യങ്ങൾ പോലീസ് ശേഖരിച്ചിട്ടുണ്ട്.
‘പൊലീസിനെ കള്ളന്മാർക്ക് ഭയമില്ല. ഒരു എംഎൽഎയുടെ വാഹനം മോഷ്ടിക്കുമ്പോൾ സാധാരണക്കാരന്റെ അവസ്ഥയെന്താണ്? പോലീസ് സാധാരണക്കാരെ ഉപരോധം ഏർപ്പെടുത്തി ഉപദ്രവിക്കുകയും ചെയ്യുന്നു. പക്ഷെ കുറ്റവാളികളും കള്ളന്മാരും സ്വതന്ത്രമായി വിഹരിക്കുന്നു’ – എന്നാണ് എംഎൽഎ നാരായൺ പറയുന്നത്.

Content Highlights – Vehicle, Stolen, Jaipur