മണിപ്പൂരില്‍ സ്ഥിതി രൂക്ഷം: ആറ് പേര്‍ കൊല്ലപ്പെട്ടു

മണിപ്പൂരില്‍ സംഘർഷം രൂക്ഷമായി തുടരുന്നതിനിടെ ഇന്നലെയുണ്ടായ ആക്രമണത്തില്‍ ആറ് പേർ കൊല്ലപ്പെട്ടു. ജിരിബാം ജില്ലയിലെ നുങ്‌ചാപ്പി ഗ്രാമത്തില്‍ ഇന്നലെ പുലർച്ചെ കുക്കി കലാപകാരികള്‍ ആക്രമണം നടത്തുകയും വീട്ടില്‍ അതിക്രമിച്ചുകയറി ഉറങ്ങുകയായിരുന്ന യുറെംബം കുലേന്ദ്ര സിംഹ (63) എന്നയാളെ വെടിവച്ച്‌ കൊല്ലുകയും ചെയ്തു.

ഇത് വൻ സംഘർഷത്തിലേക്ക് നയിച്ചു. തുടർന്ന് കുക്കി-മെയ്തി വിഭാഗങ്ങളിലെ ‘ ഗ്രാമ പ്രതിരോധ സന്നദ്ധപ്രവർത്തകർ’ എന്ന് സ്വയം വിളിക്കുന്ന സായുധ സംഘം നടത്തിയ വെടിവയ്‌പിലാണ് അഞ്ച് പേർ കൊല്ലപ്പട്ടത്. പ്രദേശത്ത് വെടിവയ്പ് തുടരുകയാണെന്നും കുക്കി, മെയ്‌തി വിഭാഗങ്ങളില്‍ നിന്നുള്ളവരാണ് കൊല്ലപ്പെട്ടതെന്നും അധികൃതർ അറിയിച്ചു.