ശബരിമലയിലെ വാവരുടെ പ്രതിനിധി അബ്ദുള്‍ റഷീദ് മുസലിയാര്‍ അന്തരിച്ചു

ശബരിമലയിലെ വാവരുടെ പ്രതിനിധി വായ്പൂര് വെട്ടിപ്ളാക്കല്‍ അബ്ദുള്‍ റഷീദ് മുസലിയാർ (79) അന്തരിച്ചു.

കാഞ്ഞിരപ്പള്ളി കുന്നേല്‍ ആശുപത്രിയില്‍ ശനിയാഴ്ച വൈകീട്ട് ഏഴരയോടെയാണ് അന്ത്യം. അർബുദബാധിതനായി ചികിത്സയിലായിരുന്നെങ്കിലും രണ്ട് മാസം മുൻപുവരെ ശബരിമലയിലെ ചുമതലകള്‍ നിർവഹിച്ചിരുന്നു. ഭാര്യ: ഏന്തയാർ പള്ളിവീട് നസീമബീവി. മക്കള്‍: ഷിയാസ് റഷീദ് (സൗദി), സജിത, സബിത, സൈറ. മരുമക്കള്‍: താഹ (ഈരാറ്റുപേട്ട), സലിം (കാഞ്ഞിരപ്പള്ളി), ഫാത്തിമ, പരേതനായ ജാഫർ. കബറടക്കം ഞായറാഴ്ച 11.30-ന് വായ്പൂര് പഴയപള്ളി കബറിസ്താനില്‍.