മുതലപ്പൊഴിയില്‍ വീണ്ടും അപകടം; 20 പേര്‍ കയറിയ വള്ളം മറിഞ്ഞു

മുതലപ്പൊഴിയില്‍ വീണ്ടും അപകടം. 20 പേര്‍ അടങ്ങുന്ന വള്ളം മറിഞ്ഞു. രണ്ടുപേരെ രക്ഷപ്പെടുത്തി. മറ്റുള്ളവര്‍ക്കായുള്ള രക്ഷാപ്രവര്‍ത്തനം തുടരുകയാണ്. ഇന്ന് രാവിലെയാണ് സംഭവം. കരയില്‍ നിന്ന് ഏറെ ദൂരെയല്ലാത്ത സ്ഥലത്താണ് സംഭവം നടന്നത്. അതുകൊണ്ട് എല്ലാവരും നീന്തി കരയ്ക്ക് എത്തുമെന്നാണ് മത്സ്യത്തൊഴിലാളികള്‍ പറയുന്നത്. നിലവില്‍ രണ്ടുപേരെ രക്ഷപ്പെടുത്തിയിട്ടുണ്ട് .

മത്സ്യത്തൊഴിലാളികളുടെ ആവശ്യം കണക്കിലെടുത്ത് സ്ഥലത്ത് ഡ്രഡ്ജിങ് പണി അദാനി ഗ്രൂപ്പ് ആരംഭിച്ചിരിക്കുകയാണ്. മണല്‍ നീക്കം ചെയ്യുന്നതുമായി ബന്ധപ്പെട്ട് സര്‍ക്കാരുമായി ധാരണയിലെത്തിയതിന് പിന്നാലെയാണ് അദാനി ഗ്രൂപ്പ് പണി തുടങ്ങിയത്. അതിനിടെയാണ് വീണ്ടും അപകടം ഉണ്ടായത്.