മുഖ്യമന്ത്രി നിയമസഭയിൽ പറയുന്നത് പച്ചക്കള്ളം; ആരോപണവുമായി സ്വപ്‌ന സുരേഷ്

സ്വർണക്കടത്ത് കേസിലെ പ്രതി സ്വപ്‌ന സുരേഷ് ആരോപണവുമായി വീണ്ടും രംഗത്ത്. തന്നെ അറിയില്ലെന്ന് മുഖ്യമന്ത്രി പിണറായി വിജയൻ നിയമസഭയിൽ പറയുന്നത് പച്ചക്കള്ളമാണെന്നും രാത്രി ഏഴു മണിക്ക് ശേഷം താൻ ക്ലിഫ് ഹൗസിൽ ഒരു തടസ്സവുമില്ലാതെ കയറിപ്പോയിട്ടുണ്ടെന്നും സിസിടിവി ദൃശ്യങ്ങൾ പരിശോധിച്ചാൽ ഇക്കാര്യം വ്യക്തമാകുമെന്നും സ്വപ്‌ന സുരേഷ് അവകാശപ്പെട്ടു.

മുഖ്യമന്ത്രി നിയമസഭയിൽ പറയുന്നത് പച്ചക്കള്ളമാണെന്നും ധാർമികതക്ക് നിരക്കാത്തതാണെന്നും സ്വപ്‌ന വാർത്താസമ്മേളനത്തിൽ പറഞ്ഞു. ഔദ്യോഗിക ആവശ്യങ്ങൾക്കായി സംഘമായും കൂടാതെ തനിച്ചും താൻ ക്ലിഫ് ഹൗസിൽ പോയിട്ടുണ്ടെന്നും സ്വപ്ന വ്യക്തമാക്കി. മുഖ്യമന്ത്രി എന്തിനാണ് പൊതുജനങ്ങളോട് പച്ചക്കള്ളം പറയുന്നതെന്നും എല്ലാത്തിനും എല്ലാവരുടെയും കയ്യിൽ തെളിവുണ്ടെന്നും സ്വപ്ന കൂട്ടിച്ചേർത്തു.