നവജാത ശിശുവിന്റെ മരണം; അമ്മയ്‌ക്കെതിരെ കൊലക്കുറ്റത്തിന് കേസ്

നവജാത ശിശുവിന്റെ മരണം കൊലപാതകമെന്ന് പോസ്റ്റ്‌മോര്‍ട്ടം റിപ്പോര്‍ട്ട്. പ്രസവിച്ച ഉടനെ അമ്മ കുഞ്ഞിനെ വെള്ളത്തില്‍ മുക്കി കൊല്ലുകയായിരുന്നുവെന്ന് പൊലീസ് വ്യക്തമാക്കി. കുഞ്ഞിന്റെ ശരീരത്തിനുളളില്‍ ജലാംശം കണ്ടെത്തിയതായി പോസ്റ്റ്‌മോര്‍ട്ടം റിപ്പോര്‍ട്ടില്‍ പറയുന്നു.

കഴിഞ്ഞ ദിവസമാണ് തൊടുപുഴ ഉടുമ്പന്നൂരില്‍ അമ്മ കുഞ്ഞിനെ ബക്കറ്റില്‍ മുക്കിക്കൊന്നത്. അമിത രക്തസ്രാവത്തെ തുടര്‍ന്ന് യുവതി ആശുപത്രിയില്‍ ചികിത്സയിലാണ്. ആശുപത്രിയില്‍ നിന്ന് ഡിസ്ചാര്‍ജായാല്‍ ഉടന്‍ യുവതിയെ പൊലീസ് അറസ്റ്റ ചെയ്യും.

അതേസമയം, അമ്മ എന്തിന് കുഞ്ഞിന് കൊലപ്പെടുത്തിയെന്നതിന് വ്യക്തത വന്നില്ലെന്ന് പൊലീസ് പറഞ്ഞു. യുവതി ഗര്‍ഭിണിയായ വിവരം ഭര്‍ത്താവ് അറിഞ്ഞിരുന്നില്ലെന്നാണ് പൊലീസിന് ലഭിച്ച മൊഴി. പൊലീസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചു.

Content Highlights – Death of a newborn baby, Case of murder against the mother