കൊച്ചിയില്‍ വീടിനു തീപിടിച്ചു; വീട്ടമ്മ മരിച്ചു

കൊച്ചിയില്‍ വീടിന് തീപിടിച്ച് വീട്ടമ്മ മരിച്ചു. എറണാകുളം സൗത്ത് റെയില്‍വേ പാളത്തിന് സമീപത്തുള്ള വീടിനാണ് തീപിടിച്ചത്. പുഷ്പവല്ലി(57) ആണ് മരിച്ചതെന്ന് പൊലീസ് പറഞ്ഞു. ഇന്ന് ഉച്ചയോടെയാണ് സംഭവം നടന്നത്.

കട്ടിലില്‍ കത്തിക്കരിഞ്ഞ നിലയിലാണ് വീട്ടമ്മയുടെ മൃതദേഹം കണ്ടെത്തിയത്. അപകടം നടന്ന സമയത്ത് വീട്ടമ്മ മാത്രമേ ഉണ്ടായിരുന്നുള്ളുവെന്നും മക്കള്‍ ജോലി ചെയ്യാനായി പുറത്തു പോയെന്നും പൊലീസ് പറഞ്ഞു.

വീട്ടില്‍ നിന്ന് തീയും പുകയും ഉയരുന്നതു കണ്ട് അയല്‍വാസികളാണ് വിവരം ഫയര്‍ഫോഴ്‌സിനെ അറിയിച്ചത്. അപകട കാരണം ഇതുവരെ വ്യക്തമായിട്ടില്ല. അന്വേഷണം പുരോഗമിക്കുകയാണെന്നും പൊലീസ് വ്യക്തമാക്കി.

Content Highlights – House caught fire in Kochi – Housewife died