കോഴിക്കോട് മൂന്നുപേരെ കടിച്ച തെരുവുനായക്ക് പേവിഷബാധ; പ്രദേശ വാസികള്‍ ആശങ്കയിൽ

പന്തീരാങ്കാവ് മുതുവന തറയില്‍ മൂന്നു പേരെ കടിച്ച തെരുവുനായക്ക് പേവിഷബാധ സ്ഥിരീകരിച്ചു. ഇതോടെ പ്രദേശവാസികള്‍ കടുത്ത ആശങ്കയിലാണ്. പൂക്കോട് വെറ്ററിനറി സര്‍വകലാശാലയിൽ നടത്തിയ പരിശോധനയിലാണ് തെരുവുനായക്ക് പേവിഷബാധ കണ്ടെത്തിയത്.

കഴിഞ്ഞ ദിവസമാണ് പന്തീരാങ്കാവ് മുതുവന തറയില്‍ തെരുവുനായ ആക്രമണം ഉണ്ടാകുന്നത്. എടക്കക്കലപുറത്ത് രാധ, തോട്ടൂളി ചന്ദ്രന്‍, ഇവരുടെ ഭാര്യ രമണി എന്നിവര്‍ക്ക് ആക്രമണത്തില്‍ ഗുരുതരമായി പരിക്കേറ്റിരുന്നു. തലക്കും, കഴുത്തിനും, കൈകള്‍ക്കും ആഴത്തില്‍ മുറിവേറ്റ മൂന്നു പേരെയും ഉടന്‍തന്നെ കോഴിക്കോട് മെഡിക്കല്‍ കോളജ് ആശുപത്രിയില്‍ എത്തിച്ചിരുന്നു. അവിടെ നിന്നും പ്രാഥമിക ചികിത്സ നല്‍കിയ ശേഷം വീട്ടിലേക്ക് അയച്ചു. അതിനിടയിലാണ് ഇവരെ കടിച്ച തെരുവുനായക്ക് പേവിഷബാധ സ്ഥിരീകരിച്ചത്.