10 വര്‍ഷം ജയിലില്‍ കിടന്നാലും പിന്നോട്ടില്ലെന്ന് രാഹുല്‍ മാങ്കൂട്ടത്തില്‍
National Desk
Posted On January 18, 2024
0
220 Views
10 വര്‍ഷം ജയിലില്‍ കിടന്നാലും സംസ്ഥാന സര്‍ക്കാറിനെതിരായ സമരത്തില്‍ നിന്നും പിന്നോട്ടില്ലെന്ന് യൂത്ത് കോണ്‍ഗ്രസ് സംസ്ഥാന അധ്യക്ഷൻ രാഹുല്‍ മാങ്കൂട്ടത്തില്‍.
കറുത്ത തുണി കൊണ്ട് ജനാധിപത്യ സമരം നടത്തിയവരാണ് യൂത്ത് കോണ്‍ഗ്രസുകാര്‍. അതിന്റെ പേരില്‍ പൊലീസ് കള്ളക്കേസെടുത്തു. താനടക്കം ജയിലില്‍ പോകേണ്ട സാഹചര്യമുണ്ടായെന്നും രാഹുല്‍ മാങ്കൂട്ടത്തില്‍ പറഞ്ഞു.
ഒമ്ബത് ദിവസമല്ല 10 വര്‍ഷം ശിക്ഷ ലഭിച്ചാലും പിറകോട്ടില്ല. ജനങ്ങളെ സര്‍ക്കാറില്‍ നിന്നും മോചിപ്പിക്കാനുള്ള ഉത്തരവാദിത്തം യൂത്ത് കോണ്‍ഗ്രസിനുണ്ടെന്നും അദ്ദേഹം പറഞ്ഞു. എല്ലാ ഏകാധിപതികളും ചരിത്രത്തില്‍ തമസ്കരിക്കപ്പെട്ടിട്ടുണ്ട്.കേരളത്തില്‍ അപ്രഖ്യാപിത അടിയന്തരാവസ്ഥയാണ് നിലനില്‍ക്കുന്നത്. പൊലീസിലെ ഗുണ്ടാപ്പടയാളികള്‍ക്ക് മുഖ്യമന്ത്രി ഗുഡ് സര്‍വീസ് എൻട്രി നല്‍കുകയാണെന്നും രാഹുല്‍ കുറ്റപ്പെടുത്തി.
