പി ടി ഉഷയുടെ അത്‌ലറ്റിക് പരിശീലനകേന്ദ്രത്തിലെ അസിസ്റ്റന്റ് കോച്ച് തൂങ്ങി മരിച്ച നിലയില്‍

പി ട ഉഷ എംപിയുടെ ഉഷ സ്‌കൂള്‍ ഓഫ് അത്‌ലറ്റിക്‌സിലെ അസിസ്റ്റന്റ് കോച്ച് തൂങ്ങി മരിച്ച നിലയില്‍. കോയമ്പത്തൂര്‍ സ്വദേശിനി ജയന്തി (26) ആണ് മരിച്ചത്. ഹോസ്റ്റല്‍ മുറിയില്‍ തൂങ്ങിമരിച്ച നിലയില്‍ ഇവരെ കണ്ടെത്തുകയായിരുന്നു. സംഭവത്തില്‍ ബാലുശ്ശേരി പോലീസ് അന്വേഷണം ആരംഭിച്ചു.

വെള്ളിയാഴ്ച രാവിലെ അക്കാദമിയിലെ വിദ്യാര്‍ഥികളാണ് കോച്ചിനെ തൂങ്ങിമരിച്ച നിലയില്‍ കണ്ടെത്തിയത്. പുലര്‍ച്ചെ അഞ്ച് മണിയോടെയാണ് മരണം സംഭവിച്ചതെന്നാണ് പ്രാഥമിക നിഗമനം. ആത്മഹത്യയാണെന്ന് കരുതുന്നതായി പോലീസ് പറഞ്ഞു.

ഒന്നര വര്‍ഷം മുന്‍പാണ് ജയന്തി ഇവിടെ കോച്ചായി എത്തിയത്. മരണത്തിന് കാരണമെന്താണെന്നത് സംബന്ധിച്ച് കൂടുതല്‍ വിവരങ്ങള്‍ ലഭ്യമായിട്ടില്ല.