സാധനം വാങ്ങാനെത്തിയ പെണ്‍കുട്ടിയെ കടന്നുപിടിച്ചു; ബേക്കറിക്ക് തീയിട്ട് പിതാവ്, ബേക്കറിയുടമ അറസ്റ്റില്‍

സാധനം വാങ്ങാന്‍ എത്തിയ പ്രായപൂര്‍ത്തിയാകാത്ത പെണ്‍കുട്ടിയെ കടന്നുപിടിച്ച ബേക്കറിയുടമ അറസ്റ്റില്‍. ചേരാനല്ലൂര്‍ വിഷ്ണുപുരം വേണാട്ട് വീട്ടില്‍ കണ്ണനെ (ബാബുരാജ് 51)യാണ് പോലീസ് അറസ്റ്റ് ചെയ്തത്. ഇയാള്‍ക്കെതിരെ പോക്‌സോ വകുപ്പുകള്‍ ചുമത്തി. സംഭവത്തെ തുടര്‍ന്ന് പെണ്‍കുട്ടിയുടെ അച്ഛന്‍ ബേക്കറിക്ക് തീയിട്ടിരുന്നു.

ചേരാനല്ലൂരില്‍ ബുധനാഴ്ച വൈകിട്ട് നാലുമണിയോടെയായിരുന്നു സംഭവം. ബേക്കറിയുടമ ആക്രമിച്ചതിനെത്തുടര്‍ന്ന് പെണ്‍കുട്ടി രക്ഷപ്പെട്ട് വീട്ടിലെത്തി വിവരം അറിയിച്ചിരുന്നു. തുടര്‍ന്ന് രാത്രി എട്ടുമണിയോടെ കുട്ടിയുടെ പിതാവ് ബേക്കറിക്ക് തീയിടുകയായിരുന്നു. ബേക്കറി കത്തിച്ചതിന് ഇയാളെയും അറസ്റ്റ് ചെയ്തിട്ടുണ്ട്.