മുഖ്യമന്ത്രിയെ അസഭ്യം പറഞ്ഞ് വീഡിയോ; ക്രൈം നന്ദകുമാറിനെ അറസ്റ്റ് ചെയ്തു

മുഖ്യമന്ത്രിയെ അസഭ്യം പറയുന്ന വീഡിയോ പ്രസിദ്ധീകരിച്ചതിന് ക്രൈം നന്ദകുമാര്‍ അറസ്റ്റില്‍. എറണാകുളം നോര്‍ത്ത് പോലീസാണ് നന്ദകുമാറിനെ അറസ്റ്റ് ചെയ്തത്. സില്‍വര്‍ലൈന്‍ വിഷയത്തില്‍ വാട്‌സാപ്പില്‍ പ്രചരിച്ച പോസ്‌റ്റെന്ന പേരിലായിരുന്നു മുഖ്യമന്ത്രിയെ അപകീര്‍ത്തിപ്പെടുത്തുന്ന പരാമര്‍ശങ്ങള്‍ നന്ദകുമാര്‍ നടത്തിയത്.

പോസ്റ്റ് വായിക്കുന്നുവെന്ന തരത്തിലായിരുന്നു വീഡിയോ. കണ്ണൂര്‍ സ്വദേശിയായ അഹമ്മദ് എന്നയാള്‍ വാട്‌സാപ്പില്‍ പ്രചരിപ്പിച്ച പോസ്റ്റ് എന്നായിരുന്നു വീഡിയോയില്‍ പറഞ്ഞിരുന്നത്.

സില്‍വര്‍ലൈനു വേണ്ടി ചെലവാക്കിയത് സാധാരണക്കാരന്റെ പണമാണെന്നും അത് തിരികെ നല്‍കണമെന്നുമൊക്കെയാണ് നന്ദകുമാര്‍ വീഡിയോയില്‍ പറയുന്നത്.