സിദ്ദിഖ് മെയ്‌കോണിന്റെ ലീച്ച് ഉടന്‍ തീയേറ്ററുകളിലേക്ക്

സിദ്ദിഖ് മെയ്‌കോണ്‍ എഴുതി സംവിധാനം ചെയ്ത് ബുക്ക് ഓഫ് സിനിമ പ്രോഡക്ഷന്‍സിന്റെ ബാനറില്‍ ഒരുങ്ങുന്ന ലീച്ച് ഉടന്‍ തിയേറ്ററുകളില്‍ എത്തും. സിനിമയുടെ പ്രിവ്യൂ ഷോ എറണാകുളം ഡോണ്‍ ബോസ്‌കോയിലും ഷേണായീസിലുമായി നടന്നു. ബുക്ക് ഓഫ് സിനിമ പ്രൊഡക്ഷസും, സോഫി കൊടിയത്തൂര്‍, സുനീത് റാം പാറയില്‍, സുജോയി പാറയില്‍, വിപിന്‍ പി വി എന്നിവര്‍ കോ പ്രൊഡ്യൂസ് ചെയ്ത സിനിമയാണ് ‘ലീച്ച്’.

ഡാര്‍ക്ക് ഷേഡ് ആക്ഷന്‍ ത്രില്ലര്‍ സ്വഭാവത്തില്‍ ഒരുങ്ങുന്ന ചിത്രത്തില്‍ ഒരുകൂട്ടം പുതിയ ചെറുപ്പക്കാരുടെ സിനിമ എന്ന സ്വപ്നത്തിന്റെ തുടക്കം കൂടിയാണ്. ‘ലിച്ച്’ എന്ന ടൈറ്റില്‍ കൊണ്ട് ഉദ്ദേശിക്കുന്നത് കാടിനകത്ത് മനുഷ്യ രക്തം കുടിക്കുന്ന അട്ടകളെയാണ്. ഇനിയും ഒരുപാട് പ്രതീക്ഷയുള്ള സിനിമകള്‍ ബുക്ക് ഓഫ് സിനിമ പ്രൊഡക്ഷനില്‍ നിന്നും വരാന്‍ ഇരിക്കുന്നുണ്ട് എന്നും പ്രിവ്യൂവിന് ശേഷമുള്ള പ്രസ്സ് മീറ്റില്‍ അണിയറ പ്രവര്‍ത്തകര്‍ പറഞ്ഞു. അതിന്റെ ഭാഗമായി ഗൗരീശന്‍ എന്ന തങ്ങളുടെ പുതിയ സിനിമയുടെ ടൈറ്റില്‍ അനൗണ്‍സ്‌മെന്റും പ്രസ്സ് മീറ്റില്‍ നടന്നു.

യാത്ര ചെയ്യുന്ന ഏതൊരു കപ്പിള്‍സിനും എവിടെയും എപ്പോഴും നേരിട്ടേക്കാവുന്ന പ്രശ്‌നങ്ങളാണ് ലീച്ച് ചര്‍ച്ച ചെയ്യുന്നത്. ഇങ്ങനെ യാത്ര ചെയ്യുന്ന ദമ്പതിമാര്‍ അകപ്പെട്ട് പോകുന്ന ഒരു വലിയ അപകടത്തില്‍ നിന്നും രക്ഷപ്പെടാന്‍ അവര്‍ നടത്തുന്ന ശ്രമങ്ങളും, പ്രതികരണങ്ങളുമാണ് ലീച്ച് എന്ന സിനിമ.

അനൂപ് രത്‌നാ, കണ്ണന്‍ വിശ്വനാഥന്‍, സുഹൈല്‍ സുല്‍ത്താന്‍, ബക്കര്‍ താമരശ്ശേരി, തങ്ക മുത്തു, നിസാം കാലിക്കറ്റ്, അഭിനവ് എസ് നായക്, മേഘ, സാന്‍ഡി ഗായത്രി ദേവി എന്നിവര്‍ സിനിമയില്‍ പ്രധാന വേഷം ചെയ്യുന്നു. ലീച്ച് എന്ന സിനിമയുടെ വരികള്‍ രചിച്ചിരിക്കുന്നത് റഫീഖ് അഹമ്മദ്, വിനായക് ശശികുമാര്‍, അനൂപ് രീത്‌നാ എന്നിവരാണ്. സംഗീതം കിരണ്‍ ജോസ് നിര്‍വഹിച്ചു. സാങ്കേതികമായും മികച്ചു നില്‍ക്കുന്ന ചിത്രം കാടിന്റെ വശ്യതകൊണ്ടും മനോഹാരിത കൊണ്ടും ശ്രദ്ധ നേടുന്നുണ്ട്.

സിനിമയിലെ ആക്ഷന്‍ രംഗങ്ങള്‍ കൈകാര്യം ചെയ്തിരിക്കുന്നത് ഡെയ്ഞ്ചര്‍ മണി ആന്‍ഡ് ടീമാണ്. കൊറിയോഗ്രാഫി നിര്‍വഹിച്ചിരിക്കുന്നത് ഷെരീഫ് മാസ്റ്റര്‍.