കല്യാണം മുടക്കിയെന്ന് ആരോപിച്ച് അയല്‍ക്കാരിയെ കൊലപ്പെടുത്താന്‍ ശ്രമം; യുവാവാ അറസ്റ്റില്‍

വിവാഹം മുടക്കിയെന്ന് ആരോപിച്ച് അയല്‍ക്കാരിയായ യുവതിയെ തലയ്ക്കടിച്ച് കൊലപ്പെടുത്താന്‍ ശ്രമിച്ച യുവാവ് അറസ്റ്റില്‍. കോട്ടയം വാകത്താനം പന്ത്രണ്ടാംകുഴി ഭാഗത്ത് പുതുപറമ്പില്‍ വിട്ടില്‍ ശ്യാം പി.ശശീന്ദ്രനെ (34) ആണ് പിടിയിലായത്. കഴിഞ്ഞ ദിവസം രാവിലെ നടുറോഡിലാണ് ആക്രമണം ഉണ്ടായത്.

പന്ത്രണ്ടാംകുഴിയില്‍ വെച്ച് ഇയാള്‍ പതിയിരുന്ന് മരക്കമ്പുകൊണ്ട് യുവതിയെ ആക്രമിക്കുകയായിരുന്നു. ബഹളംകേട്ട് മകളെ രക്ഷിക്കാനായി ഓടിയെത്തിയ യുവതിയുടെ അച്ഛനെയും പ്രതി ആക്രമിച്ചു. പരിക്കേറ്റ രണ്ടു പേരെയും കോട്ടയം മെഡിക്കല്‍ കോളേജില്‍ പ്രവേശിപ്പിച്ചിരിക്കുകയാണ്.

അയല്‍വാസികളാണ് തന്റെ വിവാഹം മുടക്കുന്നതെന്നാണ് ശ്യാം ആരോപിക്കുന്നത്. കോടതിയില്‍ ഹാജരാക്കിയ പ്രതിയെ 14 ദിവസത്തേക്ക് റിമാന്‍ഡ് ചെയ്തു.