കോഴിക്കോട് പോക്കറ്റില്‍ ഇരുന്ന മൊബൈല്‍ ഫോണിന് തീപിടിച്ച് യുവാവിന് പൊള്ളലേറ്റു

കോഴിക്കോട് ജീന്‍സിന്റെ പോക്കറ്റില്‍ ഇട്ടിരുന്ന മൊബൈല്‍ ഫോണിന് തീപിടിച്ച് യുവാവിന് പൊള്ളലേറ്റു. കോഴിക്കോട് പയ്യാനക്കല്‍ സ്വദേശി ഫാരിസ് റഹ്‌മാനാണ് പൊള്ളലേറ്റത്. കോഴിക്കോട് റെയില്‍വേ സ്‌റ്റേഷനിലെ താല്‍ക്കാലിക ജീവനക്കാരനായ ഫാരിലിന് രാവിലെയാണ് പൊള്ളലേറ്റത്.

രണ്ടു വര്‍ഷമായി ഉപയോഗിക്കുന്ന റിയല്‍മീ 8 സ്മാര്‍ട്ട് ഫോണിനാണ് തീപിടിച്ചത്. തീപിടിച്ച ഉടന്‍തന്നെ ഫാരിസ് തന്റെ പാന്റ് ഊരി എറിഞ്ഞു. ഫോണിന്റെ ബാറ്ററിയും പിന്‍വശവും പൂര്‍ണ്ണമായും കത്തിനശിച്ചിട്ടുണ്ട്. ഇതുവരെ ഫോണ്‍ ചൂടായിട്ടില്ലെന്ന് ഫാരിസ് പറഞ്ഞു. പക്ഷേ, കുറച്ചുനാളുകള്‍ക്ക് മുന്‍പ് ഡിസ്‌പ്ലേ മാറ്റിയിരുന്നു.

തൃശൂരില്‍ അടുത്തിടെ സ്മാര്‍ട്ട് ഫോണ്‍ പൊട്ടിത്തെറിച്ച് എട്ടു വയസുകാരി കൊല്ലപ്പെട്ടിരുന്നു. ഫോണില്‍ വീഡിയോ കാണുന്നതിനിടെ വലിയ ശബ്ദത്തോടെ ഫോണ്‍ പൊട്ടിത്തെറിക്കുകയായിരുന്നു.