തക്കാളി ജ്യൂസ് നല്‍കി പീഡിപ്പിച്ചു; ലോ അക്കാഡമിയിലെ കെ.എസ്.യു നേതാവിനെതിരെ പരാതി
News Desk
Posted On November 1, 2022
തക്കാളി ജ്യൂസില്‍ മയക്കുമരുന്ന് കലര്‍ത്തി നല്‍കി പീഡിപ്പിച്ചുവെന്ന് കെ.എസ്.യു നേതാവിനെതിരെ പരാതി. തിരുവനന്തപുരം ലോ അക്കാദമിയിലെ മുന്‍ കെ എസ് യു യൂണിറ്റ് പ്രസിഡന്റ് ആഷിക് മാന്നാറിനെതിരെയാണ് പരാതി. മൂന്നാം സെമസ്റ്റര്‍ നിയമ ബിരുദ വിദ്യാര്‍ത്ഥിനിയാണ് പേരൂര്‍ക്കട പോലീസില്‍ പരാതി നല്‍കിയത്.
കഴിഞ്ഞ ജൂണ്‍ പതിനാലാം തീയതി മുതല്‍ പല ദിവസങ്ങളിലായി തുടര്‍ച്ചയായി പീഡിപ്പിച്ചുവെന്നാണ് പെണ്‍കുട്ടി പരാതിയില്‍ പറയുന്നത്. എംജി നഗറിലെ വീട്ടില്‍ വിളിച്ചുവരുത്തിയാണ് ആദ്യമായി പീഡിപ്പിച്ചതെന്നും പെണ്‍കുട്ടി പറയുന്നു. പീഡന ദൃശ്യങ്ങള്‍ ഫോണില്‍ പകര്‍ത്തിയിട്ടുണ്ടെന്ന് പറഞ്ഞ് ഭീഷണിപ്പെടുത്തി പീഡനം സെപ്റ്റംബര്‍ 16 വരെ തുടര്‍ന്നു.
മാനഹാനി ഭയന്നാണ് പരാതി നല്‍കാന്‍ വൈകിയതെന്നും പെണ്‍കുട്ടി വെളിപ്പെടുത്തി. പെരുമാറ്റത്തില്‍ അസ്വാഭാവികത തോന്നിയ ഹോസ്റ്റല്‍ ഗാര്‍ഡിയന്‍ ആണ് കാര്യങ്ങള്‍ ചോദിച്ച് മനസ്സിലാക്കിയശേഷം കുടുംബാംഗങ്ങളെ വിവരം അറിയിച്ചത്.തുടര്‍ന്ന് പേരൂര്‍ക്കട പോലീസിന് പരാതി നല്‍കുകയായിരുന്നു.
Trending Now
