സിംബാബ്‌വെക്കെതിരായ ടീമിനെ ശിഖർ ധവാൻ നയിക്കും സഞ്ജു വി സാംസൺ ടീമിൽ

സിംബാബ്‌വെക്കെതിരായ ഏകദിന ക്രിക്കറ്റ് പരമ്പരയ്ക്കുള്ള ഇന്ത്യന്‍ ടീമില്‍ മലയാളി താരം സഞ്ജു വി സാംസണ്‍ ഇടം നേടി. വിരാട് കോലി ഉള്‍പ്പെടെയുള്ള സീനിയര്‍ താരങ്ങള്‍ ടീമിലില്ല. ശിഖര്‍ ധവാനാണ് ടീമിനെ നയിക്കുക. സഞ്ജുവിന് പുറമേ വിക്കറ്റ് കീപ്പറായി ഇഷാന്‍ കിഷനും ടീമിലുണ്ട്.

വെസ്റ്റിന്‍ഡീസിനെതിരായ ഏകദിന പരമ്പരയില്‍ കളിച്ചുകൊണ്ടിരിക്കുന്ന ശ്രേയസ് അയ്യര്‍, സൂര്യകുമാര്‍ യാദവ്, രവീന്ദ്ര ജഡേജ, അര്‍ഷ്ദീപ് സിങ്, യുസ്വേന്ദ്ര ചാഹല്‍ തുടങ്ങിയവര്‍ ടീമില്‍ ഇല്ല. പേസ് ബൗളര്‍ ദീപക് ചഹാറും സ്പിന്നര്‍ വാഷിംഗ്ടണ്‍ സുന്ദറും ഇടവേളയ്ക്കുശേഷം തിരിച്ചെത്തി. മൂന്നുമത്സരങ്ങളടങ്ങിയ പരമ്പര ഓഗസ്റ്റ് 18-ന് തുടങ്ങും.

ശിഖര്‍ ധവാന്‍ , ഋതുരാജ് ഗെയ്ക്വാദ്, ശുഭ്മാന്‍ ഗില്‍, ദീപക് ഹൂഡ, രാഹുല്‍ ത്രിപാഠി, ഇഷാന്‍ കിഷന്‍, സഞ്ജു സാംസണ്‍, വാഷിങ്ടണ്‍ സുന്ദര്‍, ശാര്‍ദൂല്‍ ഠാക്കൂര്‍, കുല്‍ദീപ് യാദവ്, അക്സര്‍ പട്ടേല്‍, ആവേശ് ഖാന്‍, പ്രസിദ്ധ് കൃഷ്ണ, മുഹമ്മദ് സിറാജ്, ദീപക് ചഹാര്‍ എന്നിവരാണ് ടീമീലെ അംഗങ്ങൾ.

Content Highlights – Shikhar dhawan, Sanju V Samson, Cricket, ICC