യാത്രയയപ്പ് സല്‍ക്കാരത്തില്‍ പങ്കെടുക്കാന്‍ എത്തിയ അധ്യാപിക കുഴഞ്ഞുവീണ് മരിച്ചു

യാത്രയയപ്പ് സല്‍ക്കാരത്തില്‍ പങ്കെടുക്കാന്‍ എത്തിയ അധ്യാപിക കുഴഞ്ഞുവീണ് മരിച്ചു. വഞ്ഞാറമൂട് പിരപ്പന്‍കോട് ഗവ. വൊക്കേഷനല്‍ ഹയര്‍ സെക്കന്‍ഡറി സ്‌കൂളിലെ ഹയര്‍ സെക്കന്‍ഡറി വിഭാഗം ഇക്കണോമിക്‌സ് അധ്യാപികയും കാരേറ്റ് സ്വദേശിനിയുമായ വി.ഐ.മിനി (56) ആണ് മരിച്ചത്.

ഉച്ചയ്ക്ക് വെഞ്ഞാറമൂട്ടിലെ ഭക്ഷണശാലയില്‍ സഹപ്രവര്‍ത്തകര്‍ സംഘടിപ്പിച്ച ചടങ്ങില്‍ പങ്കെടുക്കാന്‍ കാറില്‍ എത്തി സ്വീകരണ സ്ഥലത്തേക്ക് നടന്നു പോകുമ്പോള്‍ കുഴഞ്ഞുവീഴുകയായിരുന്നു. ഉടന്‍ തന്നെ സമീപത്തെ സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. ഈ മാസം 31നാണ് സര്‍വീസില്‍നിന്ന് മിനി വിരമിക്കേണ്ടിയിരുന്നത്.