സല്‍മാന്‍ ഖാന്റെ വീടിന് ബുള്ളറ്റ് പ്രൂഫ് ഗ്ലാസ്; സുരക്ഷ ശക്തമാക്കി

സല്‍മാന്‍ഖാന്റെ മുംബൈയിലെ വീടിന്റെ സുരക്ഷ വര്‍ധിപ്പിച്ചു. വീടിന്റെ ബാല്‍ക്കണിയില്‍ പുതിയ ബുള്ളറ്റ് പ്രൂഫ് ഗ്ലാസ് വെച്ച നടന്‍ വൈദ്യുത വേലിയും ഘടിപ്പിച്ചിട്ടുണ്ട്. മഹാരാഷ്ട്ര മുന്‍ മന്ത്രിയും അടുത്ത സുഹൃത്തുമായ ബാബ സിദ്ദിഖിയുടെ മരണശേഷം സല്‍മാന് നിരവധി വധഭീഷണികള്‍ ഉയര്‍ന്നിരുന്നു. അതിന് പിന്നാലെയാണ് 59കാരനായ നടന്‍ വീടിന്റെ സുരക്ഷ വര്‍ധിപ്പിച്ചത്.

സല്‍മാന്റെ കാറിനൊപ്പം സുരക്ഷാ ഉദ്യോഗസ്ഥരുടെ വാഹനവ്യൂഹം എപ്പോഴുമുണ്ടാകാറുണ്ട്. വൈ-പ്ലസ് സെക്യൂരിറ്റിയുള്ള താരത്തിന് പൊലീസ് എസ്‌കോര്‍ട്ടും ഏര്‍പ്പെടുത്തിയിട്ടുണ്ട്. എല്ലാവിധത്തിലുമുള്ള ആയുധങ്ങളും കൈകാര്യം ചെയ്യാന്‍ അറിയാവുന്ന ഒരു കോണ്‍സ്റ്റബിളിനെയും സല്‍മാന്റെ സുരക്ഷ ഉറപ്പാക്കാന്‍ നിയോഗിച്ചിട്ടുണ്ട്.