പുതുവത്സരത്തെ വരവേല്‍ക്കാൻ കേരളം; വിപുലമായ ആഘോഷം, നിയന്ത്രണങ്ങള്‍

പുത്തൻ പ്രത്യാശയുടെ പുതുവര്‍ഷത്തിന് ഇനി മണിക്കൂറുകളുടെ കാത്തിരിപ്പു മാത്രം. ആഘോഷ പരിപാടികളുടെ അവസാന തയാറെടുപ്പിലാണ് കേരളം.

അതേസമയം, സംസ്ഥാനത്ത് പുതുവത്സരാഘോഷത്തിന്‍റെ ഭാഗമായി പോലീസ് കര്‍ശന പരിശോധന ഏര്‍പ്പെടുത്തിയിട്ടുണ്ട്. തിരുവനന്തപുരം, കൊച്ചി, കോഴിക്കോട് ജില്ലകളില്‍ സുരക്ഷ കൂടുതല്‍ ശക്തമാക്കി. ഈ മൂന്നു ജില്ലകളില്‍ പ്രത്യേക ജാഗ്രത വേണമെന്ന് എക്സൈസ് ഇന്‍റലിജൻസും മുന്നറിയിപ്പ് നല്കിയിട്ടുണ്ട്. സംസ്ഥാനത്ത് ഡിജെ പാര്‍ട്ടികള്‍ക്ക് ഹോട്ടലുകളും റസ്റ്ററന്‍റുകളും മുൻകൂര്‍ അനുമതി വാങ്ങണമെന്ന് എക്സൈസ് അറിയിച്ചു.