മറാജോ ദ്വീപിലെ ‘പോത്ത് പോലീസുകാർ’ ​

ബ്രസീലിന്റെ വടക്കേ അറ്റത്ത് ആമസോൺ നദിയോടു ചേർന്നുകിടക്കുന്ന മറാജോ ദ്വീപിൽ, പോലീസ് ഉദ്യോഗസ്ഥർ അവരുടെ പട്രോളിംഗ് രീതികൊണ്ട് ലോകശ്രദ്ധ ആകർഷിക്കുകയാണ്. ഇവിടെ പട്രോളിംഗ് കാറുകൾക്കോ, കുതിരകൾക്കോ പകരം ഏഷ്യൻ വാട്ടർ ബഫലോകളാണ് (പോത്തുകൾ) പോലീസിന്റെ യാത്രാവാഹനം…ലോകത്തിലെ ഇത്തരത്തിലുള്ള ഒരേയൊരു പോലീസ് യൂണിയനാണ് മറാജോയിലേത്. ഈ അസാധാരണ തിരഞ്ഞെടുപ്പിന് കാരണം ദ്വീപിന്റെ ഭൂമിശാസ്ത്രപരമായ പ്രത്യേകതകളാണ്.

ഇവിടെയാണ് ആമസോണ്‍ നദി അറ്റ്‌ലാന്റിക് സമുദ്രത്തെ ചുംബിക്കുന്നത്. ഏകദേശം സ്വിറ്റ്സർലൻഡിന്റെ വലുപ്പമുള്ള ഈ പ്രദേശം ലോകത്തിലെ ഏറ്റവും അസാധാരണമായ നിയമ നിർവ്വഹണ സംവിധാനങ്ങളിലൊന്ന് വികസിപ്പിച്ചെടുത്തിരിക്കുന്നു.

5,00,000-ത്തിലധികം പോത്തുകളാണ് നിലവില്‍ ദ്വീപില്‍ ചുറ്റിത്തിരിയുന്നത്, ഇത് മനുഷ്യവാസികളേക്കാള്‍ കൂടുതലാണ്.
മറാജോയില്‍ മാസങ്ങളോളം കനത്ത മഴ ലഭിക്കാറുണ്ട്, ഇത് റോഡുകളെ ആഴത്തിലുള്ള ചതുപ്പുകളാക്കി മാറ്റുന്നു. പട്രോളിംഗ് വാഹനങ്ങള്‍ പലപ്പോഴും കുടുങ്ങിപ്പോകുന്നു, കുതിരകള്‍ക്ക് വഴുക്കലുള്ള കണ്ടല്‍ക്കാടുകളില്‍ സഞ്ചരിക്കാൻ പ്രയാസമാണ്. എന്നാല്‍ പോത്തുകള്‍ ഈ പരിസ്ഥിതിക്ക് വേണ്ടി സൃഷ്ടിക്കപ്പെട്ടവയാണ്. കാരണം അവയുടെ വീതിയേറിയ കുളമ്ബുകള്‍ ചതുപ്പില്‍ താഴുന്നത് തടയുന്നു. മാത്രമല്ല വെള്ളത്തിലൂടെയും ചെളിയിലൂടെയും അവ അതിവേഗം സഞ്ചരിക്കുന്നു. മഴക്കാലത്ത് എത്തിച്ചേരാൻ കഴിയാത്ത വിദൂര പ്രദേശങ്ങളിലെ ജനവാസ കേന്ദ്രങ്ങളില്‍ പോലീസിന് ഇവ വഴി എത്താൻ സാധിക്കുന്നു.

ഏകദേശം മൂന്ന് പതിറ്റാണ്ട് മുമ്ബ്, ദ്വീപിലെ മിലിട്ടറി പോലീസ് “ബഫലോ സോള്‍ജിയേഴ്സ്” എന്ന പേരില്‍ ഒരു പ്രത്യേക സേനയ്ക്ക് രൂപം നല്‍കി. ഈ ശക്തരായ മൃഗങ്ങളുടെ പുറത്ത് സുരക്ഷിതമായി സഞ്ചരിക്കുന്നതിനുള്ള പരിശീലനം ഉദ്യോഗസ്ഥർക്ക് നല്‍കുന്നു. അവയ്ക്ക് വേണ്ടി പ്രത്യേകമായി നിർമ്മിച്ച ജീനികളും മറ്റ് ഉപകരണങ്ങളുമാണ് ഉപയോഗിക്കുന്നത്. പോത്തിന്റെ പുറത്ത് സഞ്ചരിക്കുന്ന യൂണിഫോം ധരിച്ച ഉദ്യോഗസ്ഥരുടെ കാഴ്ച മറാജോയുടെ ഒരു പ്രതീകമായി മാറിയിരിക്കുന്നു, അതോടൊപ്പം ഇതൊരു ജനപ്രിയ വിനോദസഞ്ചാര ആകർഷണവുമാണ്.

മഴക്കാലമാകുമ്പോൾ ദ്വീപിന്റെ ഭൂരിഭാഗവും വെള്ളത്തിൽ മുങ്ങി, ആഴത്തിലുള്ള ചെളിക്കുണ്ടുകളുള്ള ചതുപ്പുനിലമായി മാറും. ഈ സാഹചര്യത്തിൽ, സാധാരണ വാഹനങ്ങളോ കുതിരകളോ ഉപയോഗിച്ച് സുരക്ഷിതമായി സഞ്ചരിക്കാൻ കഴിയില്ല…ഭാരം താങ്ങാനുള്ള ശേഷിയും, ചെളിയിലും വെള്ളക്കെട്ടുകളിലും അനായാസം നീന്താനും സഞ്ചരിക്കാനുമുള്ള പോത്തുകളുടെ പ്രത്യേക കഴിവാണ് പോലീസിന് തുണയാകുന്നത്….പോലീസിന്റെ ഈ പട്രോളിംഗ് രീതി ‘ബഫലോ സോൾജിയേഴ്സ്’ എന്ന പേരിൽ അറിയപ്പെടുന്നു.
​പോത്തുകൾ വെറും വാഹനങ്ങൾ മാത്രമല്ല; ഇവിടത്തെ ജനങ്ങൾക്ക് പാൽ, മാംസം, ലെതർ എന്നിവ നൽകി ദ്വീപിന്റെ സാമ്പത്തിക ഭദ്രത നിലനിർത്തുന്നതിൽ ഇവയ്ക്ക് വലിയ പങ്കുണ്ട്.

​അതുല്യമായ ഈ പട്രോളിംഗ് രീതി ഇന്ന് മറാജോ ദ്വീപിന്റെ ഒരു വിനോദസഞ്ചാര ആകർഷണം കൂടിയാണ്. പ്രകൃതിയുടെ വെല്ലുവിളികളെ തങ്ങളുടെ പട്രോളിംഗിനുള്ള സാധ്യതകളാക്കി മാറ്റിയ മറാജോ ദ്വീപിലെ ഈ കാഴ്ച, ആധുനിക ലോകത്ത് പ്രകൃതിയുമായി ഇണങ്ങിയുള്ള പ്രവർത്തനങ്ങൾക്ക് ഒരു മികച്ച ഉദാഹരണമാണ്.