മിസ് ദിവ യുണിവേഴ്‌സ് പട്ടം ചൂടി കർണാടകയിൽ നിന്നുള്ള 23 കാരിയായ ദിവിത റായ്. കഴിഞ്ഞ വർഷത്തെ മിസ് ദിവ യൂണിവേഴ്സും വിശ്വസുന്ദരിയുമായ ഹർനാസ് കൗർ സന്ധുവാണ് ദിവിതയെ കിരീടം അണിയിച്ചത്. മിസ് ദിവ സൗന്ദര്യ വേദിയിലെ പത്താമത്തെ വിജയിയാണ് ദിവിത റായ്. എഴുപത്തിയൊന്നാമത് മിസ് യൂണിവേഴ്‌സ് മത്സരത്തിൽ ദിവിത ഇന്ത്യയെ പ്രതിനിധീകരിക്കും.
“ഒടുവിൽ എന്റെ തലയിൽ ഈ കിരീടം ഉണ്ട്. എനിക്കിത് അവിശ്വസിനീയമാണ്. വാക്കുകളില്ല.” മിസ് ദിവ പട്ടം ചൂടിയ ശേഷം ദിവിത പറഞ്ഞു. ഹർനാസ് കൗർ സന്ധുവിന്റെ ഇൻസ്റ്റാഗ്രാം പേജിലും ദിവിതയെ കിരീടം അണിയിക്കുന്ന വീഡിയോ പങ്കുവച്ചിട്ടുണ്ട്. കർണാടകയിൽ ജനിച്ച ദിവിത അച്ഛന്റെ ജോലിയുടെ ഭാഗമായി ഇന്ത്യയുടെ വിവിധ നഗരങ്ങളിൽ നിന്നായാണ് വിദ്യാഭ്യാസം പൂർത്തിയാക്കിയത്. ആർക്കിടെക്റ്റും മോഡലുമായ ദിവിതയ്ക്ക് ബാസ്‌ക്കറ്റ്ബോൾ, ബാഡ്മിന്റൺ, പെയിന്റിംഗ്, വായന തുടങ്ങിയവയിലാണ് താൽപര്യം.
Content highlights – miss diva universe 2022, divita rai
Trending Now
കേരളത്തിന് സമീപം ചക്രവാത ചുഴി; മഴ ശക്തമാകും
You may also like
