കർണാടകയിൽ സ്വകാര്യ ബസിന് തീപിടിച്ച് ഏഴ് പേർ പൊള്ളലേറ്റ് മരിച്ചു

കർണാടകയിൽ സ്വകാര്യ ബസിന് തീപിടിച്ച് ഏഴ് പേർ പൊള്ളലേറ്റ് മരിച്ചു. കല്ബുർഗിക്കടുത്ത് കമലാപുരയിലാണ് സംഭവം. ഇന്ന് പുലർച്ചെയാണ് അപകടമുണ്ടായത്. ബസ് ടെമ്പോയുമായി കൂട്ടിയിടിച്ചാണ് തീപ്പിടിത്തമുണ്ടായത്. ഗോവയിൽ നിന്ന് ഹൈദരാബാദിലേക്ക് പോവുകയായിരുന്ന ബസ്സിൽ ആകെ ഇരുപത്തിയൊൻപത് യാത്രക്കാരാണ് ഉണ്ടായിരുന്നത്.

ബസ്സിന്റെ തൊണ്ണൂറു ശതമാനം ഭാഗവും കത്തിനശിച്ചു. ഇരുപത്തിരണ്ട് യാത്രക്കാരെ പരിക്കുകളോടെ ആശുപത്രിയിൽ എത്തിച്ചു. ആരുടേയും നില ഗുരുതരമല്ല. പരിക്കേറ്റവരിൽ ടെമ്പാ ഡ്രൈവറുമുണ്ട്.

Content Highlights – Karnataka, Private Bus Caught Fire, 7 killed, Tragic Death