തമിഴ്‌നാട് കടലൂരില്‍ പുഴയില്‍ കുളിക്കാനിറങ്ങിയ ഏഴ് പെണ്‍കുട്ടികള്‍ മുങ്ങിമരിച്ചു

തമിഴ്‌നാട്ടിലെ കടലൂരില്‍ 7 പെണ്‍കുട്ടികള്‍ മുങ്ങിമരിച്ചു. കുച്ചിപാളയത്തെ ഗെഡിലം പുഴയിലെ തടയണയില്‍ കുളിക്കാനിറങ്ങിയ പെണ്‍കുട്ടികളാണ് മരിച്ചത്. തടയണയിലെ ചുഴിയില്‍ പെട്ട രണ്ടു പെണ്‍കുട്ടികളെ രക്ഷിക്കാന്‍ ശ്രമിക്കുന്നതിനിടെ മറ്റുള്ളവരും മുങ്ങുകയായിരുന്നു. ഉച്ചയ്ക്ക് 12.45ഓടെയാണ് സംഭവം.

എം.നവനീത (18), കെ.പ്രിയ(18), എം.കുമുദ (18) എ.മോനിഷ (16), ആര്‍.പ്രിയദര്‍ശിനി (15) ആര്‍ ദിവ്യ ദര്‍ശിനി (10), എസ്.സംഗവി (16) എന്നിവരാണ് മരിച്ചത്. സംഭവത്തില്‍ നെല്ലിക്കുപ്പം പൊലീസ് അന്വേഷണം ആരംഭിച്ചു.

Content Highlight: Drowned, Tamilnadu, Kaddalore, Death, Accident