മാധവ വാര്യരെ പരിചയമുണ്ടെന്ന് കെ ടി ജലീല്‍; എച്ച് ആര്‍ ഡി എസിനെതിരെ മാധവ വാര്യര്‍ പരാതി നല്‍കിയിട്ടുണ്ട്

മാധവ വാര്യരുമായി പരിചയമുണ്ടെന്ന് കെ ടി ജലീല്‍. എച്ച് ആര്‍ ഡി എസിന് എതിരെ മാധവ വാര്യര്‍ പരാതി നല്‍കിയിട്ടുണ്ടെന്നും ജലീല്‍ പറഞ്ഞു. അട്ടപ്പാടിയില്‍ എച്ച്ആര്‍ഡിഎസ് നിര്‍മിച്ച വീടുകളുടെ പണം നല്‍കുന്നതുമായി ബന്ധപ്പെട്ടാണ് കേസ്. മാധവ വാര്യര്‍ ഫൗണ്ടേഷന് എച്ചആര്‍ഡിഎസ് പണം നല്‍കാനുണ്ട്. എച്ച്ആര്‍ഡിഎസ് നല്‍കിയത് വണ്ടിച്ചെക്കാണെന്നും ജലീല്‍ പറഞ്ഞു. താനും മാധവ വാര്യരുമായി ബിസിനസ് ബന്ധമില്ല, സുഹൃദ്ബന്ധമാണ് ഉള്ളതെന്നും ജലീല്‍ പറഞ്ഞു.

സ്വപ്‌ന സുരേഷിന്റേത് അറപ്പുളവാക്കുന്ന ആരോപണങ്ങളാണ്. സ്വപ്‌ന എന്തൊക്കെയോ വിൡച്ചു പറയുകയാണ്. ഷാര്‍ജ സുല്‍ത്താന് ഡോക്ടറേറ്റ് നല്‍കാന്‍ തീരുമാനിച്ചപ്പോള്‍ പി കെ അബ്ദുറബ്ബായിരുന്നു വിദ്യാഭ്യാസമന്ത്രി. സുല്‍ത്താനെക്കുറിച്ച് നട്ടാല്‍ കുരുക്കാത്ത നുണ പറയുകയാണെന്നും ഇതില്‍ കേസെടുത്ത് അന്വേഷിക്കണമെന്നും ജലീല്‍ പറഞ്ഞു.

Content Highlights: K T Jaleel, Swapna Suresh, Madhava Warrier, Gold Smuggling Case