ഇൻസ്റ്റഗ്രാം താരത്തെ ഫ്ലാറ്റിൽ നിന്ന് തള്ളിയിട്ടു കൊലപ്പെടുത്തി; ഭർത്താവും സുഹൃത്തുക്കളും അറസ്റ്റിൽ

ഇൻസ്റ്റഗ്രാം താരമായ യുവതിയെ ഫ്ലാറ്റിലെ നാലാം നിലയിൽ നിന്ന് തള്ളിയിട്ട് കൊന്നു.. ഗാസിയാബാദ് സ്വദേശിനിയായ റിതിക സിങ്ങിനെയാണ് ഭർത്താവും കൂട്ടുകാരും ചേർന്ന് കൊലപ്പെടുത്തിയത്. ഭർത്താവ് ആകാശ് ഗൌതം ഉൾപ്പെടെ മൂന്ന് പേർ പൊലീസ് കസ്റ്റഡിയിലാണ്.

കഴിഞ്ഞ ദിവസം റിതികയും സുഹൃത്തും താമസിക്കുന്ന ഫ്ലാറ്റിലാണ് സംഭവം. ആഗ്രയിലെ ഫ്ലാറ്റിൽ ഭർത്താവുമായി പിണങ്ങി താമസിക്കുകയാരുന്നു റിതിക. രണ്ട് മാസം മുൻപാണ് ആഗ്രയിലെ ഫ്ലാറ്റില്ർ താമസം തുടങ്ങിയത്.

റിതികയുടെ ഭർത്താവായ ആകാശും അയാളുടെ സുഹൃത്തുക്കളും ഉൾപ്പെടെ അഞ്ച് പേർ ഫ്ലാറ്റിലേക്ക് അതിക്രമിച്ചു കയറുകയായിരുന്നു. തുടർന്ന് ഇരുവരെയും മർദിച്ചവശരാക്കി, കൈകൾ കെട്ടിയിട്ട് റിതികയെ ബാൽക്കണിയിൽ നിന്ന് താഴോട്ട് തള്ളിയിടുകയായിരുന്നു. സുഹൃത്തിനെ കുളിമുറിയിൽ പൂട്ടിയിട്ടു.

കുളിമുറിയിൽ അകപ്പെട്ട സുഹൃത്ത് ബഹളം വെച്ചതോടെയാണ് അയൽക്കാർ സംഭവമറിയുന്നത്. കൂടെയുണ്ടായിരുന്ന രണ്ട് പേർക്കായുള്ള തിരച്ചിലിലാണ് പൊലീസ്. മൂന്ന് പേരാണ് കസ്റ്റഡിയിലുള്ളത്.

ആകാശും റിതികയും 2014 ലാണ് വിവാഹിതരായത്. 2018 മുതൽ ഇതുവരും വേർപിരിഞ്ഞാണ് താമസിക്കുന്നത്. ഇൻസ്റ്റഗ്രാമിൽ നാൽപ്പത്തിനാലായിരത്തിലധികം ഫോളോവേഴ്സുള്ള താരമാണ് റിതിക സിങ്.

Content Highlights: Instagram celebrity Rithika Sing death