ഹെലികോപ്റ്റർ അറബിക്കടലിൽ തകർന്നു വീണ് നാലു പേർ മരിച്ചു

മുംബൈയിൽ ഒൻപത് പേരുമായി പോയ ഹെലികോപ്പ്റ്റർ തകർന്ന് വീണ് നാല് പേർ മരിച്ചു. ഒഎൻജിസി ജീവനക്കാരാണ് മരിച്ചവരിൽ മൂന്ന് പേർ . ഒഎൻജിസി സാഗർ കിരൺ റിഗിന് സമീപം അറബിക്കടലിലാണ് ഹെലികോപ്പ്റ്റർ തകർന്നു വീണത്. രക്ഷാ പ്രവർത്തനം പുരോഗമിക്കുകയാണെന്ന് ഒഎൻജിസി ട്വീറ്റ് ചെയ്തു. സിക്കോർസ്‌കി എസ്-76ഡി എന്ന ഹെലികോപ്റ്ററാണ് അപകടത്തിൽപെട്ടത്.

സംഭവ സ്ഥലത്തെത്ത് രക്ഷാ പ്രവർത്തനത്തിനായി സിവിൽ ഏവിയേഷന്റെ ഒരു സംഘം എത്തിയിരുന്നു. അപകടത്തിൽ അഞ്ച് പേരെ രക്ഷപ്പെടുത്തിയെന്നും അധികൃതർ അറിയിച്ചു. ഒമ്പത് പേരെയും ഉടൻ ആശുപത്രിയിലെത്തിച്ചെങ്കിലും നാല് പേരുടെ ജീവൻ രക്ഷിക്കാനായില്ല. രക്ഷപ്പെട്ട 5 പേരും നാവികസേനയുടെ മുംബൈയിലെ ആശുപത്രിയിൽ ചികിത്സയിലാണ്.