ഫഹദ് ഫാസിലിന്റെ ‘മലയൻകുഞ്ഞ്’ തിയേറ്ററുകളിലേക്കില്ല; ഓണത്തിന് ഒടിടി റിലീസ്

ഫഹദ് ഫാസിൽ കേന്ദ്ര കഥാപാത്രമായെത്തുന്ന ഏറ്റവും പുതിയ ചിത്രമാണ് ‘മലയൻകുഞ്ഞ്’. നവാഗതനായ സജി മേനോനാണ് ചിത്രം സംവിധാനം ചെയ്യുന്നത്. കഴിഞ്ഞ ദിവസം ചിത്രത്തിന്റെ ട്രെയിലർ പുറത്തിറങ്ങിയിരുന്നു. സർവൈവൽ ത്രില്ലറായിരിക്കും ചിത്രം എന്നാണ് ട്രെയിലർ നൽകുന്ന സൂചന.

സംവിധായകൻ ഫാസിൽ ആണ് ചിത്രത്തിന്റെ നിർമാതാവ് എന്ന പ്രത്യേകത കൂടിയുണ്ട്. പതിനാറു വര്‍ഷങ്ങള്‍ക്ക്‌ ശേഷമാണ് ഫാസിൽ വീണ്ടും നിർമാതാവാകുന്നത്.ഫാസിൽ അവസാനമായി നിർമിച്ച ചിത്രം മോഹൻലാൽ നായകനായ ‘വിസ്മയത്തുമ്പത്ത്’ ആണ്.

ചിത്രത്തിന്റെ സംഗീത സംവിധാനം നിർവഹിക്കുന്നത് എആർ റഹ്മാൻ ആണ്. ‘യോദ്ധ’ എന്ന ചിത്രത്തിന് ശേഷം എ.ആർ. റഹ്മാൻ മലയാളത്തിൽ ആദ്യമായി സംഗീതസംവിധാനം നിർവഹിക്കുന്ന ചിത്രമാണ് മലയൻകുഞ്ഞ്. മഹേഷ് നാരായണൻ ആണ് തിരക്കഥ. ‘ടേക്ക് ഓഫ്’, ‘മാലിക്’ എന്നീ ചിത്രങ്ങളുടെ സംവിധായകൻ ആണ് മഹേഷ് നാരായണൻ.

നായിക രജിഷ വിജയനാണ്. ജാഫർ ഇടുക്കി, ഇന്ദ്രൻസ്, ദീപക് പറമ്പോൽ എന്നിവരാണ് പ്രധാന കഥാപാത്രങ്ങളായി എത്തുന്നത്. ആമസോണ്‍ പ്രൈം വീഡിയോയിലായിരിക്കും ചിത്രം റിലീസ് ചെയ്യുക.
ഓണത്തിനാണ് ചിത്രത്തിന്റെ ഒടിടി റിലീസ്.

Content Highlights – Fahad fazil, ott release, malayankunju