ദക്ഷിണാഫ്രിക്കയിലെ ബാറില്‍ വെടിവെപ്പ്; 14 പേര്‍ കൊല്ലപ്പെട്ടു

ദക്ഷിണാഫ്രിക്കയിലെ ജൊഹാനസ്ബര്‍ഗിന് സമീപമുള്ള സോവെറ്റോ ടൗണ്‍ഷിപ്പിലെ ബാറിലുണ്ടായ വെടിവെപ്പില്‍ 14 പേര്‍ കൊല്ലപ്പെട്ടു. മൂന്ന് പേരുടെ നില അതീവ ഗുരുതരമാണ്. ശനിയാഴ്ച്ച അര്‍ധരാത്രിയോടെയാണ് അപകടം ഉണ്ടായത്.

ഞായറാഴ്ച്ച രാവിലെ പൊലീസ് സ്ഥലത്തെത്തിയപ്പോഴാണ് മൃതദേഹങ്ങള്‍ മാറ്റിയത്. അപ്പോള്‍ തന്നെ 12 പേര്‍ മരിച്ചതായി സ്ഥിരീകരിച്ചിരുന്നു. മറ്റ് 11 പേരെ പരിക്കുകളോടെ ആശുപത്രിയിലേക്ക് കൊണ്ടുപോയെങ്കിലും രണ്ട് പേര്‍ പിന്നീട് മരിച്ചു. ഇതോടെ മരിച്ചവരുടെ എണ്ണം 14 ആയി ഉയര്‍ന്നു.

മിനിബസിലെത്തിയ വന്ന ഒരു സംഘം ആളുകളാണ് അക്രമികളെന്ന് പൊലീസ് അറിയിച്ചു. വണ്ടിയില്‍ വന്നിറങ്ങിയ ആളുകള്‍ നേരെ ബാറിലേക്ക് പോവുകയും ഉടമസ്ഥരായ ചില ആളുകള്‍ക്ക് നേരെ വെടിയുതിര്‍ക്കുകയായിരുന്നുവെന്നാണ് പൊലീസിന്റെ പ്രാഥമിക നിഗമനം.

സംഭവസ്ഥലത്ത് നിന്നും നിരവധി വെടിയുണ്ടകള്‍ കണ്ടെത്തിയതായി പൊലീസ് പറഞ്ഞു.

Content Highlight: Soweto, South Africa, Bar, Mass Shooting